Японд үхэлд хүргэж болзошгүй цус задраах стрептококкийн тархалт өндөр байгаа. NHK телевизийн мэдээлснээр энэ сарын 5-наас хойш халдварын 801 тохиолдол бүртгэгджээ. Энэ нь өнгөрсөн оны мөн үеийнхээс 2.76 дахин их үзүүлэлт юм. 2023 онд цус задралын стрептококкийн цочмог халдварт өвчний нийт 941 тохиолдол бүртгэгдсэн байна. Тархалт, халдварын шалтгаан тодорхойгүй ч эмч, мэргэжилтнүүд хувилбар дэвшүүлсэн.
А бүлгийн стрептококк гэж нэрлэгддэг нянгаар үүсгэгддэг уг халдвар нь булчинг бүрхсэн холбогч эдийн үхжил үүсгэдэг. 2023 онд халдвар авсан хүмүүсийн нас баралтын түвшин 30 орчим хувьтай байжээ. Халдварын шинж тэмдэг нь үе мөч өвдөх, хавдах, халуурах зэргээр илэрнэ. Энэ нь амьсгалын замаар болон шууд хавьтлаар дамжина. Шархаар дамжих боломжтой учир гараа тогтмол угаах, их бага хэмжээгээр шархадсан тохиолдолд зөв арчилгаа хийх зэрэг арга хэмжээ авахыг зөвлөжээ. Сүүлийн 10 жилийн тохиолдлуудыг аваад үзвэл нийт тохиолдлын 90 орчим хувийг 40 ба түүнээс насныхан эзэлж байгаа аж.
Эх сурвалж: Монголын үнэн сонин №019/24598/
°C
Сэтгэгдэл (0)
Сэтгэгдэл бичигдээгүй байна