Б.Онончимэг: Энтертайнмент болон загварын агууламжийг хослуулснаараа онцлог наадам болно

“International Awards 2024” олон улсын наадам, шагнал гардуулах ёслолд гадаад, дотоодын хэчнээн уран бүтээлч оролцох талаар ерөнхий зохион байгуулагч “Принцесс Монголиан Фэйшн”-ий захирал, дизайнер Б.Онончимэгээс тодрууллаа.

- “International awards 2024” наадамд хэчнээн модель, дизайнер оролцохоор бүртгүүлэв?

-Олон улсын зэрэглэлтэй наадам учраас манай салбарынхан идэвхтэй оролцож, 320 мисс,  модель бүртгүүлсэн. Оролцогчдоос шилдэг 10 мисс, шилдэг 40 моделийг  шалгаруулна.

-Наадмын онцлог нь юу вэ?

-“International awards 2024” анхны наадмаараа бид шилдэг мисс, модель, дизайнер, артист, уран бүтээлчдийг шалгаруулж буйгаараа онцлог. Урьд нь манай улсад ийм өндөр шагналын сантай авардс зохион байгуулж байгаагүй.

-Монголын үндэсний брэндүүд идэвхтэй оролцож байна уу?

-Наадамд КАДР, Бохо, МB тэргүүтэй үндэсний брэндүүд маш идэвхтэй оролцож байна. Мөн чөлөөт бүс буюу Хятадын зах зээлд Монголын брэндүүдээ сурталчлах, олон улсад гаргах зорилгоор авардсаа зохион байгуулж байна. Хувцас загварын салбарт жин дардаг улс орны төлөөлөл оролцож буй“International awards 2024” бол манай үйлдвэрлэгч, брэндүүдийн хувьд том боломж. Бизнесээ өргөжүүлэх, ахиж дэвших сонирхолтой  брэнд, хувь хүмүүстэй хамтран ажиллахад бэлэн байна. Нөгөөтэйгүүр үйл ажиллагааны туршлага болох юм.

-“Принцесс Монголиан Фэйшн” ямар үүрэгтэй зохион байгуулалтад оролцож байна вэ?

-“International awards 2024” наадмын ерөнхий зохион байгуулагчаар ажиллаж байна.

-Олон улсын наадам учраас шинэлэг талаас нь дурдвал?

-Мисс, модель, дизайнер, артист, уран бүтээлчдийн гээд дандаа тусдаа болдог бие даасан төрлийг нэгтгэн нэгэн тайзнаа зохион байгуулж байгаа нүсэр наадам. Энтертайнмент болон загварын агууламжийг хослуулснаараа онцлог бас шинэлэг болов уу.

-Гадаадын дизайнерууд идэвхтэй оролцож байна уу?

-БНСУ, БНХАУ, ОХУ, Унгар зэрэг улсын алдартай дизайнерууд оролцож Монголын үндэсний хувцасыг урлана. Мөн олон улсаас модель, мисс, шилдэг эмэгтэй дуучин болон нөлөөлөгчид оролцоно.

INTERNATIONAL AW ARDS 2024

 Онцлог:  Монголын болон олон улсын  мисс, модель, дизайнер, уран бүтээлчид нэгэн тайзнаа хамтдаа шилдэг үзүүлбэрүүдээ толилуулна.

Зорилго:  Урлаг, соёлын олны танил, инфлюнсер хүмүүсээр дамжуулан Монгол Улсыг дэлхийд сурталчлах.  Олон улсын анхаарлыг  соёлын эвентээр эх орондоо төвлөрүүлж жуулчдын сонирхлыг татах.

Ерөнхий зохион байгуулагч:

“Мисс Монголиа” холбоо

“Принцесс Монголиан Фэйшн”

“Эвент Мастерс” энтертайнмент

Хамтран зохион байгуулагч:

“Топ мастер”  холбоо,

“Фото Хаб” бүтээлч студи

Amjilt.com

Doctor water

Ивээн тэтгэгч:

MB буюу Мөөгий брэнд

“Аврора” зочид буудал

Дэмжигч байгууллага:

Богд хааны ордон музей

UG PALACE

“Буган халиун” ресторан

Монголын сормуус суулгагчдын холбоо

“Тэнгэр белла” салон

Оролцогчид: “International awards 2024” олон улсын загварын  наадамд Монгол, ОХУ, БНХАУ, Япон, Унгар, БНСУ, Энэтхэг зэрэг долоон улсаас оролцоно.

Шагналын сан: 300 сая төгрөг

*Тэргүүн Мисс/ Winner  "Мисс Интернэйшнл 2024" олон улсын тэмцээнд явах эрх, титэм, цом, тууз, аяллын эрх

*1-р байр “First runner-up”  олон улсын тэмцээнд оролцох  эрх, титэм, өргөмжлөл, тууз, аяллын эрх

*2-р байр “Second runner-up”  олон улсын тэмцээнд оролцох  эрх, титэм, өргөмжлөл, тууз, аяллын эрх, ивээн тэтгэгчийн шагнал

*3-р байр “Third runner-up” олон улсын тэмцээнд оролцох  эрх, титэм, өргөмжлөл, тууз, ивээн тэтгэгчийн шагнал

*Тусгай байр “Special prize” олон улсын тэмцээнд оролцох  эрх, титэм, өргөмжлөл, тууз, ивээн тэтгэгчийн шагнал

*Мисс Фото:  Өргөмжлөл, тууз, ивээн тэтгэгчийн шагнал

*Мисс Авьяас: Өргөмжлөл, тууз, ивээн тэтгэгчийн шагнал

*Нөхөрсөг Мисс: Өргөмжлөл, тууз, ивээн тэтгэгчийн шагнал

*Мисс Модел:  Өргөмжлөл  тууз, ивээн тэтгэгчийн шагнал

Х.Эрдэнэзаяа

Эх сурвалж: Монголын үнэн сонин №023/24602/