Сүхбаатар дүүргийн МАН-ын хороо 2023 оны нэгдүгээр сард болсон ээлжит бус II хуралдаанаар УИХ-ын гишүүн, ЗГХЭГ-ын дарга Н.Учрал намын хорооны даргаар сонгогдон ажиллаж байна. Дүүргийн намын хороо 20 хорооны намын хороо, 65 үүртэйгээр үйл ажиллагаа явуулж байгаа юм. Үндсэн хуульд оруулсан нэмэлт, өөрчлөлтийн дагуу 2024 онд болсон УИХ-ын сонгуулийг томсгосон тойргоор явуулсан бөгөөд Сүхбаатар, Чингэлтэй дүүргийн нэгтгэн нэг тойрог болгосон юм. Үүний дагуу 2024 оны зургадугаар сард болсон УИХ-ын сонгуулийн зургаан мандат бүхий томсгосон тойрогт МАН-аас Н.Учрал, Д.Цогтбаатар, Н.Батсүмбэрэл, О.Батнайрамдал нар ялалт байгуулснаар 66.6, мөн оны аравдугаар сард болсон орон нутгийн сонгуульд нийслэлийн ИТХ-д Б.Дөлгөөн, Б.Ану-Үжин нар ялалт байгуулснаар 50, дүүргийн ИТХ-ын 35 мандатын 12-т ялалт байгуулснаар 34.2 хувийн амжилттай оролцлоо. Ингэснээр Б.Оюу-Эрдэнэ, Д.Ганболд нар ИТХ-ын Зөвлөлийн гишүүнээр, Д.Ганболд ИТХ дахь МАН-ын бүлгийн даргаар, У.Өнөрцэцэг дүүргийн Засаг даргын орлогчоор, Ц.Цогт-Од дэд хорооны даргаар сонгогдон МАН-ын бодлого, зорилтыг хэрэгжүүлэн ажиллаж байна.
Эх сурвалж: Монголын үнэн сонин №013/24640/
°C
Сэтгэгдэл (0)
Сэтгэгдэл бичигдээгүй байна