Дэлхийн хүн ам өчигдөр албан ёсоор 8 тэрбумд хүрснийг НҮБ зарласан. Тэгвэл Австраличууд энэ сарын 15-нд Австрали улсын нийслэл Канберра хотод төрсөн Б.Ананд, Э.Лхагвасүрэн нарын хүү А.Мэргэнийг дэлхийн 8 тэрбум дахь иргэнээр бүртгэжээ.
Хүүгийн аав Б.Ананд энэ талаар цахим хуудсандаа “Миний хүү НҮБ-ийн тооцооллын дагуу дэлхийн хүн ам 8 тэрбум хүрэх өдөр аав, ээждээ ирж, хэзээ ч мартагдахааргүй том бэлэг барилаа. 8 тэрбум дахь хүнийг нарийн тодорхойлох боломж байдаггүй учир энэ өдөр төрсөн хүмүүсийг хамруулдаг юм байна. Миний хүү “Австрали улсын нийслэл Канберра хотод энэ өдөр төрсөн ганц хүүхэд байна” гэж эмч маань хэлээд бидэнд хандсан билээ Хамгийн мундаг ажлыг хийсэн хайрт эхнэр Лхагвасүрэндээ баярлаад баршгүй” хэмээн сэтгэгдлээ хуваалцсан байна.
8 тэрбум дахь иргэний аав Б.Ананд Булган аймгийн Хишиг-Өндөр сумын харьяат аж.
Н.Нягт
°C