Засгийн газрын ээлжит хуралдаан боллоо. Хуралдаанаар валютын нөөцийг нэмэгдүүлэх талаар авсан арга хэмжээний талаар Эдийн засгийн хөгжлийн сайд Ч.Хүрэлбаатар танилцуулсан байна. Энэ талаар Эдийн засгийн хөгжлийн сайд Ч.Хүрэлбаатар мэдээлэл хийлээ. Тэрбээр:
-Валютын ханш тогтворжих нөхцөл бүрдэж байна. Валютын нөөц нэмэгдэж, ханш тогтворжиж байгаатай холбоотой үнийн өсөлтийг бууруулна. Төрийн өмчит аж ахуйн нэгжүүдэд валютын нөөцийг нэмэгдүүлэх чиглэлээр үүрэг өгөгдсөн. Үүний биелэлт нь 49 хувьтай явж байна. Тодруулбал нийт нэг тэрбум валютын нөөц бүрдүүлэхээс 500 сая валютын нөөц бүрдээд байна. Тухайлбал, "Эрдэнэс Тавантолгой" компани нүүрсний борлуулалтаасаа орлого орж, Монголбанканд төвлөрүүлсэн. Засгийн газраас "Эрдэнэс Тавантолгой" компанид тодорхой арга хэмжээний авснаар тодорхой үр дүнд хүрч байна. Валютын нөөц нэмэгдэж байгаа нь төгрөгийн ханш унахгүй байх нөхцөлийг бүрдүүлж байна. Бид он гарахад гурван тэрбум долларын валютын нөөцтэй болно хэмээв.
Н.Энх
°C