“Агуу ялалт – Агуу нөхөрлөл” тоглолт болно

Эх орны дайны ялалтын 80 жилийн ойд зориулсан Буриадын ардын уран бүтээлчдийн  “Агуу ялалт – Агуу нөхөрлөл”  тоглолт Улаанбаатар хотноо тавдугаар сарын 4-нд болно. 

Тоглолтод  Монгол Улсын Зэвсэгт хүчний дуу, бүжгийн улсын чуулгын уран бүтээлчид, Буриадын “Байгаль” театр, мөн ардын “Раздолье” хамтлагийн уран бүтээлчид  оролцож, 1939 оны Халхын голын эрэг дээрх тулааныг урлагийн хэлээр үзүүлэх юм байна. 

“Агуу ялалт – Агуу нөхөрлөл” тоглолт нь зөвхөн түүхэн баатруудыг дурсахын нэр биш, харин ч Буриад, Монгол хоёр ард түмний соёл, түүхийн гүн гүнзгий холбоог бататгах чухал алхам юм гэж зохион байгуулагчид онцолж байна.