ХЗДХ-ийн сайд Х.Нямбаатар цаг үеийн асуудлаар мэдээлэл хийж байна. Тэрбээр:
-Урд шөнө Б.Ганхуяг нарын найман хүнийг хойшлуулшгүй шалтгаанаар баривчиллаа. Тэрбээр "Эрэнэс Тавантолгой" ХК-ийн гүйцэтгэх захирлаар ажиллах явцдаа өөртөө давуу байдал үүсгэсэн байж болзошгүй. Эдгээр хүмүүсийн гэр, оффист үзлэг хийж байна. Мөн "Хишиг арвин индустриал" компанийн зарим удирдлагыг баривчиллаа. Тус компани "Эрдэнэс Тавантолгой" компанийг байгуулснаас хойш хөрс хуулах ажил гүйцэтгэж байжээ. Энэ бол манай томоохон үндэсний, уул уурхайн компаниудын нэг юм.
Нүүрсний хулгайн асуудлаар хуулийн байгууллагын хамтарсан бүрэлдэхүүн Өмнөговь аймгийн Цогтцэций суманд мөрдөн шалгах ажиллагаа явуулахаар өнөөдөр явсан. Гаалийн архивлагдсан баримтуудад мөн шалгалт хийнэ.
Өнгөрсөн өдрүүдэд Сүхбаатарын талбайд жагссан иргэд нүүрсний хулгайчдын нэрсийг шалга гэсэн. Тиймээс ч нүүрсний хулгайн хэрэг эрчимжиж байна.
Харамсалтай нь захиалгатай, улс төрийн хэрэгт холбогдон шалгагдаж байгаа иргэдийн жагсаал ч байна.
"Эрдэнэс Тавантолгой" компанийн үе үеийн удирдлагуудаар МОХ-ны удирдлагууд ажиллаж байсан. МОХ-ны тэргүүн Д.Ганхуяг, Энхтүвшин гээд. Тэгвэл өнөөдөр МОХ-ны удирдлагын зөвлөлд ажиллаж байсан хүмүүсийн дансанд их хэмжээний мөнгө шилжсэн гэсэн мэдээлэл байна.
Бусармаг жагсагчид шударга жагсагчдын дунд бий. Иргэдийн дуу хоолойгоо өргөх тайван жагсаал бусармаг улстөрчдийн улс төрийн хямрал руу явах вий гэж сэрэмжлүүлж байна.
Мөрдөн шалгах ажиллагааны явцад 379 мянган тонн нүүрсэнд гаалийн бүрдүүлэлт хийгээгүй байна хэмээн мэдээлэв.
Н.Энх
°C