Төрийн ордонд өнөөдөр 10:00 цагт эхлэх “Нүүрсний экспорт, тээвэрлэлттэй холбоотой асуудлаар холбогдох эрх бүхий байгууллагуудын тайлан, мэдээлэлтэй танилцах” ерөнхий хяналтын сонсголыг Ажлын албаны ахлах ажилтан Ж.Энхбат болон Өмнөговь аймгийн АН-ын дэд дарга, НИТХ дахь ажлын албаны дэд дарга Б.Энхмөнх нар үймээн, шуугиан дэгдээв. Тэд "Бидний суусан А танхим хүйтэн байна" гэсэн асуудлыг тавьж байснаа, сүүлдээ "Дэлгэцгүй байна" хэмээн шаардлагаа өөрчилж байсан юм.
Твиттерт "Нүүрсний сонсголыг Ажнайн гар хөлүүд үймүүлж байна", "Нүүрсчдийг хамгаалахаар ирсэн жүжигчид маань амжилттай нүцгэлж байна", "Нүүрсний сонсголыг хийлгэх сонирхол ард түмэнд биш АН-д байхгүй байна аа, Өмнөговийн Анжнайн гар хөлүүд л сонсголыг үймүүлж байна", "Энхмөнх нь АН-ын бүлгийн Ажлын Албаны дэд дарга, ажнай Бат-эрдэнийн хүн өмнөговийнх, нөгөө залуу нь Адъяасүрэнгийн зөвлөх албаар сонсгол хийлгэхгүй гэж зохион байгуулалттай хийж байна" гэсэн жиргээ хөвөрч байна.
Энэ бүхнээс Өмнөговь аймгийн АН-ынхан ерөнхий хяналтын сонсгол хийлгэх сонирхолгүй байна гэж ажиглагчид үзэж байна.
Э.Сонор
°C