Нүүрсний олборлолт, тээвэрлэлт, экспорттой холбоотой асуудлаар ерөнхий хяналтын сонсголыг иргэдийн хүсэлтийн дагуу Төрийн ордны Их танхимд болж байна. Тус сонсголоор иргэд саналаа хэлж байгаа юм.
Гашуунсухайт боомтоос ирсэн "Нүүрс тээвэрчин" тээврчдийн зөвлөлийн тэргүүн Саарал "Нүүрсний жинхэнэ хулгайчаа хэлээч ээ. Ичдэггүй юм уу, та нар. УИХ-ын гишүүн А.Адъяасүрэн хаана байна, "Тэнгри транс" группын эзэн.
Харин манай уурхайн амны цавчаадын толгойлогч "Ажнай" Д.Бат-Эрдэнэ ах ирсэн байна. Сайн байна уу, та. Таны уурхайн аман дээр байгаа хөтөч нар чинь манай жолооч нарыг нэг рейс орох тоолонд 100-150 мянган төгрөгийн авлига авдаг. Би үүнийг цэгцлээд өгөөрэй гэж 2019 оноос хойш шаардаж байна. Та хуруугаа ч хөдөлгөхгүй байгаа шүү" хэмээн бухимдав.
Ерөнхий хяналтын сонсголд оролцогчид ийнхүү саналаа хэлж байна.
Э.Сонор
°C