Нүүрсний асуудлаар Хяналтын ерөнхий сонсгол Төрийн ордонд үргэлжилж байна. Оролцогчид саналаа хэлтж, асуулт тавьж, хариулт авч байгаа юм. Тухайлбал, иргэн О.Отгонбаатар:
-Төр гэдэг бол УИХ. УИХ-ын Ажлын хэсгийнхэн бядтай бай, төр шиг бай. Бүлэглэл, зохион байгуулалттай орж ирсэн хэсэг нөхдийн өмнө гөлөлзөөд, дуугүй суугаад байх юм. Бид асуудлаа энэ байдлаар яаж шийдэх вэ. Та бүхэн зарчимч бай.
Засаг иргэд хоёр нийлээд шүүх, прокурор руу үргээлэг хийлээ. Одоо жагсаал, цуглаан шүүх, прокурор руу чиглэнэ шүү. Женко оргосон гээд, та үгүй гээд байдаг. АТГ-ын дарга аа, хэзээ хэрэг гэж үзэж, хэрэг үүсэх вэ. Хулгайчууддаа хилийн хориг тавих юм уу.
Т.Доржханд гишүүн ээ, зовсон, ядарсан ард түмнээ битгий туйлдуул.40 их наядаа тайлбарла, 3.2 сая монголчууддаа хуваагаад 125 сая төгрөг авна гэсэн хүн монголоор нэг байна. Алдагдсан боломж нь хэд вэ, санхүүгийн баримт байна уу. Бид нэг цонхоор мэдээлэл байхгүй туйлдаад байна.
УИХ-ын долоон гишүүний нэр зарласан. Сонсгол болж байхад "Би хулгай хийгээгүй" гээд хэвлэлийн хурал хийж байна, А.Адъяасүрэн гишүүн ичээч ээ, хэдэн мянган жолоочтой хулгай хийгээгүй гээд байх юм. А.Адъяасүрэн, Д.Бат-Эрдэнэ гишүүн шалгуулах уу.
Энд хүний нэр барьж үг хэлж болохгүй шүү. Би хүн гүтгээгүй. Дөрөвдүгээр сард би сонсгол дээр Н.Алтанхуяг гишүүнийг "Та бондын зөвлөл байгуулаад Монголыг тонох хонгил угсарсан" гэж хэлсэн. Тэгээд өнгөрсөн зунжин шүүхээр явлаа. Жагсаал мөнх биш учраас маргааш нь та нарыг агнана, Н.Алтанхуяг бол агнадаг юм билээ. Би танаас өнөөдөр сонсгол дээр уучлал гуйж байна. Та ялтай бол ялаа эдлээд, ялгүй бол цагаатаарай.
Уянгалахаа болиод шалгуулчих хэрэгтэй. 2013 оны нүүрсний хулгайн хэрэг яагаад прокурор дээр цайрсан бэ. Ч.Сайханбилэгээс эхлээд эрэн сурвалжлагадаж байгаа хүмүүс хэзээ ирэх вэ? Энэ бүхэнд хариулт авмаар байна" хэмээн үг хэлж, хариулт нэхлээ.
Э.Сонор
°C