Дэлхийн шилдэг хөлбөмбөгчдийн нэг Криштиан Роналдо Саудын Арабын “Аль-Насср” клубтэй 2025 он хүртэл гэрээ байгууллаа. Тэрбээр цахим хуудастаа “Би Европын хөлбөмбөгт мөрөөдлөө биелүүлсэн. Одоо Азид өөрийгөө таниулах цаг болсон” гэжээ. “Аль-Насср” бол Саудын Арабын лигийн есөн удаагийн аварга клуб юм.
Албан бус мэдээллээр түүний цалин, сурталчилгааны орлого жилд 200 сая евро байхаар тооцсон байна. Тэрбээр Саудын Арабын “Аль Хилал” клубийн амласан 350 сая еврогийн саналаас өнгөрсөн зун татгалзсан. Английн “Манчестер Юнайтед”-ын дасгалжуулагчтай муудалцсаны дараа клубийн удирдлагууд 37 настай португал залууг явуулах шийдвэр гаргажээ.
Криштиан Роналдо замналынхаа туршид албан ёсоор найман зуу гаруй гоол оруулсан үзүүлэлтээрээ өнөө үеийн хөлбөмбөгчдийг хошуучилдаг. Түүний дараа Аргентины Лионель Месси бичигддэг аж.
Х.ЗАЯА
°C