"Вера" гоо сайхны эмнэлэгт иргэн Н.Дагийсүрэн 2022 оны арванхоёрдугаар сарын 25-нд хамрын имплант утас хийлгүүлжээ. Гэвч тэрбээр гоо сайхны эмнэлгийн буруутай үйл ажиллагаанаас болж, эрүүл мэнд гоо сайхнаараа хохирсон байна.
Энэ талаар иргэн Н.Дагийсүрэн "Би хамрандаа имплант утас хийлгэсний дараа би хөдөө явах байсан. Энэ талаар эмчдээ зовууриа хэлэхэд гаднаас нь хараад “Зүгээр, ямар ч асуудалгүй” гэсэн. Дараа нь хөдөө очоод биеийн байдал муудаж хөдөө эмнэлэгт хэвтэж байгаад өнгөрсөн нэгдүгээр сард буцаж ирж хамрынхаа утсыг “Вера” эмнэлгийн захирлаар нь авахуулсан.Миний толгой өвдөж, даралт ихсээд, нэгдүгээр сард үхлүүт байдалтай байлаа.
Би тухайн үед Алтантүлхүүр гэдэг мэс заслын эмчийг эмчлэх эрхгүй гэж мэдээгүй. Цагдаагаар шалгагдаж байх үед мэдсэн. Энэ эмнэлгийн захирал Бүдээ эмчлэх эрхгүй хүнийг ажиллуулсан байсан.
Хамрын үрэвсэл нь тархитай холбоотой. Энэ нь үе мөч рүү шилжвэл үхэх эрсдэлтэй юм билээ. Баянгол дүүргийн Цагдаагийн мөрдөгч, ахлагч хоёрыг би гайхаж байна. Шинжээчийн дүгнэлт гараагүй байна хэмээн мэдээлэв.
Гоо сайхны хагалгаа хийлгүүлэх гэж буй хүмүүс тэр дундаа охид эмэгтэйчүүдэд эмнэлгээ сайн судлахгүй бол дараа нь хариуцлага үүрэх хүн байхгүй, эрүүл мэндээрээ хохирох эрсдэлтэйг анхааруулж байна.
Н.Энх
°C
Сэтгэгдэл (1)