Намын Удирдах зөвлөлийн ажлын албанаас зохион байгуулдаг “Иргэдээ сонсъё” уулзалтад УИХ-ын гишүүн Ж.Чинбүрэн, Монгол Ардын Намын Орон нутаг, намын хөгжлийн хэлтсийн дарга Б.Галсан нар оролцов.
Тэд уулзалтыг зорьж ирсэн иргэд, сонгогч, гишүүн, дэмжигчдийн төлөөлөлтэй уулзан, санал хүсэлтийг нь хүлээн авч, зохих газар руу уламжлах, эргэж хариу өгөх юм.
Иргэн Д.Дашням эх баригч бага эмчээр олон жил ажилласан, эрүүл мэндийн салбарын анхан шатанд хөдөлмөрлөж явсан туршлагатай хүний хувьд өрхийн эмнэлгүүдийн үйл ажиллагааг дээшлүүлэх, ингэхийн тулд салбар яаманд харьяалуулдаг болгон, тэнд шинэ, залуу боловсон хүчнийг түлхүү ажиллуулах саналыг УИХ-ын гишүүн Ж.Чинбүрэнд уламжлав. Эмнэлгийн тусламж, үйлчилгээний чанарыг сайжруулахаар төсөв нэмээд байдаг ч анхан шатанд бүтэц нь болдоггүй ийм зүйлтэй санал нэг байгаагаа гишүүн хэлж байлаа.
Мөн уулзалтад ирсэн ахмадуудын төлөөлөл УИХ-аас хамтын тэтгэврийн талаар хэзээ хуульчлахаар төлөвлөж байгаа болон насаараа төрийн байгууллагад үр бүтээлтэй ажилласны хувьд хөдөлмөр зүтгэлээ үнэлүүлэх, төрийн одон медалиар шагнуулахаар өгсөн өргөдөл хаана, хэзээ, хэрхэн шийдвэрлэгддэг талаар тодруулж байлаа.
Монгол Ардын Намын Удирдах зөвлөлийн ажлын албаны удирдлагууд болон тус намаас УИХ-д сонгогдсон гишүүдийн зүгээс иргэд, сонгогчидтойгоо эргэх холбоотой ажиллахыг чухалчилж, “Иргэдээ сонсъё” уулзалтыг тогтмол зохион байгуулж, санал хүсэлтийг нь хүлээн авч, шийдвэрлэх ямар боломж байгааг судлах, эргэн хариу өгөх чиглэлээр идэвхтэй ажилласаар байна.
Эх сурвалж: nam.mn
°C
Сэтгэгдэл (0)
Сэтгэгдэл бичигдээгүй байна