“Их 7” бүлгийн удирдагчид энэ сарын сүүлчээр Хирошимад уулзаж, гурван өдрийн дээд хэмжээний хэлэлцээр хийнэ. Японы Ерөнхий сайд Фүмио Кишидагийн хэлснээр “Их 7”-гийн удирдагчид цаг уурын өөрчлөлт, хүнсний аюулгүй байдал зэрэг олон улсын тулгамдсан асуудлыг хэлэлцэх аж. Ажиглагчдын үзэж буйгаар талууд Москвагийн эсрэг арга хэмжээ авах нь лавтай. Япон улс 2023 онд “Их 7”-г тэргүүлж байгаа. Дэлхий нийтээрээ энхтайвныг тогтоохыг эрэлхийлж байгаа цагт Хирошима хотод хэлэлцээр хийх нь чухал ач холбогдолтой. Дээд хэмжээний уулзалтын үеэр “Их 7”-гийн удирдагчид цөмийн зэвсгийн хэрэглээний бодит байдалтай танилцана. Япон улс цөмийн зэвсэггүй дэлхийг цогцлоохоо мэдэгдсэн. Үй олноор хөнөөх зэвсэг хэрэглэх эрсдэл улам бүр нэмэгдэж, улс орнууд урьд хожид байгаагүй хямралтай нүүр тулсан. Хирошима бол цөмийн зэвсгийн аюулд өртсөн түүхэн ач холбогдолтой учраас Японы Засгийн газар энхтайвны төлөөх амлалтаа илэрхийлэхэд хамгийн тохиромжтой хот гэж сонгосон аж.
°C
Сэтгэгдэл (0)
Сэтгэгдэл бичигдээгүй байна