Үндэсний шигшээ багийн тамирчин, дасгалжуулагчийг сонгон шалгаруулж, энэ онд эх орноо төлөөлөх баг тамирчид тодорсныг Монголын чөлөөт бөхийн холбооноос мэдээллээ. Шигшээ багийн 27 тамирчны долоо нь анх удаа сонгогдож буйгаараа онцлогтой. Түүнчлэн эмэгтэйчүүдийн шигшээ багийн ахлах дасгалжуулагчаар Гавьяат дасгалжуулагч Т.Сүхбаатар, туслах дасгалжуулагчаар Гавьяат тамирчин Ц.Цогтбаяр, Гавьяат дасгалжуулагч Ц.Баярсайхан болон С.Мөнхдуулдах нар ажиллахаар болжээ. Тамирчдын хувьд 50 кг-ын жинд Д.Отгонжаргал, М.Мөнхгэрэл, 53 кг-д Б.Хулан, Б.Болортуяа, 57 кг-д Х.Болортуяа, Б.Хонгорзул, 62 кг-д П.Орхон, С.Цэрэнчимэд, 65 кг-д Т.Энхжин, 68 кг-д Э.Дэлгэрмаа, П.Номин-Эрдэнэ, 76 кг-д Э.Даваанасан, Н.Загардулам нар шигшээ багт харьяалагдаж байна.
Эрэгтэй шигшээ багийн ахлах дасгалжуулагчаар Гавьяат тамирчин Э.Ням-Очир, туслах дасгалжуулагчаар Гавьяат дасгалжуулагч Б.Баяраа болон олон улсын хэмжээний мастер Б.Батзориг, Л.Энхбаяр нар ажиллана. Тамирчдын хувьд 57 кг-ын жинд Б.Мөнх-Эрдэнэ, З.Занабазар, 61 кг-д Н.Наранхүү, 65 кг-д Ц.Цогбадрах, Т.Тулга, 74 кг-д О.Сүлдхүү, Б.Батбаяр, 79 кг-д Э.Бямбадорж, 86 кг-д Б.Бат-Эрдэнэ, Н.Батбилгүүн, 97 кг-д Г.Ганхуяг, Ө.Батзул, 125 кг-д М.Лхагвагэрэл, Б.Одгэрэл нар шигшээ багт дуудагджээ.
Ийнхүү чөлөөт бөхийн үндэсний шигшээ багийн эрэгтэй тамирчид Говь-Алтай аймагт сэргэлтийн бэлтгэл хийхээр замд гарлаа. Харин эмэгтэй шигшээ багийн төлөөлөл Улаанбаатар хотод бэлтгэлээ базаах юм. Манай тамирчид ирэх дөрөвдүгээр сарын 11-16-нд Киргизстан улсын Бишкек хотод болох насанд хүрэгчдийн Азийн аварга шалгаруулах тэмцээнд өрсөлдөнө. Үргэлжлүүлэн тус хотод “Парис - 2024”- олимпын наадмын эрх олгох тэмцээнд оролцох хуваарьтайгаар бэлтгэл сургуулилалтаа базааж байна.
Эх сурвалж: Монголын үнэн сонин №006/24585/
°C
Сэтгэгдэл (0)
Сэтгэгдэл бичигдээгүй байна