ОХУ-ын Гадаад хэргийн сайд Сергей Лавров Бээжин хотноо БНХАУ-ын Гадаад хэргийн сайд Ван Итэй уулзжээ. Энэ жил хоёр улсын хооронд дипломат харилцаа тогтоосны 75 жилийн ой тохиож байна. Талууд хамтын ажиллагаагаа сүүлийн жилүүдэд эрчимжүүлж, тэргүүлэх түнш, сайн хөрш, иж бүрэн стратегийн түншлэлийн үзэл санааг баримтлах болсон. Хоёр улсын дипломат төлөөлөгчид хэлэлцээрийнхээ үеэр хамтын ажиллагааны гол зорилгоо тодорхойллоо. Гадаад хэргийн сайд Ван Игийн хэлснээр цаашдын хамтын ажиллагаандаа таван зүйлд анхаарах ёстой. Нэгдүгээрт, хоёр орны удирдагчдын стратегийн удирдамжийг дагах. Хоёрдугаарт, “Эвсэлд үл нэгдэх, сөргөлдөхгүй, гуравдагч этгээдийг онилохгүй байх” зарчмыг баримтална. Гуравт, НҮБ-ын Аюулгүйн зөвлөлийн улсууд, байнгын гишүүн орнуудын зөв, шударга ёс, түүхэн дэвшлийн талд зогсох. Тавдугаарт, олон улсын хамтын ажиллагааг харилцан ашигтай байлгахын төлөө хичээж, эрх тэгш, эмх цэгцтэй олон туйлт ертөнцийг байгуулахад түлхэц өгөх юм.
Эх сурвалж: Монголын үнэн сонин №014/24593/
°C
Сэтгэгдэл (0)
Сэтгэгдэл бичигдээгүй байна