Малайз улс фэйсбүүкийн оператор “Мета”, богино видео үйлчилгээ “TikTok”-ийн хэрэглээг хязгаарлахыг уриалж, платформ дахь хяналтаа эрчимжүүлэхээ мэдэгдлээ. Тус улсын Засгийн газрын мэдээлснээр 2024 он гарснаас хойш 51638 гэмт хэргийг олон нийтийн цахим сүлжээгээр дамжуулан үйлджээ. Малайзын Харилцаа холбооны зохицуулах газар, хууль сахиулах байгууллагын хамтарсан мэдэгдэлд дурдсанаар арьс өнгө, шашин шүтлэг, роялтитай холбоотой хортой контентыг хязгаарлаж байгаа ч гэмт хэргийн гаралт нэмэгдсээр байна. Иймд олон нийтийн сүлжээ эзэмшдэг компаниудад санхүүгийн луйвар, хууль бус онлайн мөрийтэй тоглоомтой холбоотой зохицуулалт хийхийг шаарджээ. Ялангуяа арьс өнгө, шашин шүтлэг Малайз улсын эмзэг асуудал юм. Ерөнхий сайд Анвар Ибрахимын засаг захиргаа үг хэлэх эрх чөлөөг хамгаалах амлалтаасаа ухарсан хэмээн шүүмжлүүлж байна. Засгийн газар олон ургалч үзэл бодлыг боомилсон гэх мэдэгдлийг үгүйсгэж, хэрэглэгчдийг онлайн хор хөнөөлөөс хамгаалахаа мэдэгджээ.
Эх сурвалж: Монголын үнэн сонин №014/24593/
°C
Сэтгэгдэл (0)
Сэтгэгдэл бичигдээгүй байна