“Алибаба”-г үүсгэн байгуулагч Жэк Ма ажилтнууддаа зориулж санамж бичиг нийтэлж, интернэтийн аварга компанийн бүтцийн өөрчлөлтийг дэмжиж буйгаа илэрхийлжээ. Энэ бол олны анхаарлаас далд, сүүдэрт амьдрах болсон тэрбумтны хувьд ховор алхам. Түүний нийтлэлийн дараа группийн Хонконгод бүртгэлтэй хувьцааны ханш таван хувиар өссөн байна. Компанийн хувьцаа сүүлийн 12 сарын хугацаанд 27 хувиар буурч, зах зээлийн үнэлгээ 178 тэрбум ам.долларт хүрч буурсан. “Алибаба”-г зургаан нэгжид хуваахаар шийдвэрлэсэн нь компанийн 25 жилийн түүхэн дэх бүтцийн нүсэр өөрчлөлт. Шинэ гүйцэтгэх захирлаа томилж, үүлэн болон логистикийн нэгжийнхээ жагсаалтыг зарласан нь хүний нөөцийн сэтгэл санааг үймүүлсэн. Мөн “PDD Holdings” зэрэг хямд өртөгтэй өрсөлдөгчдөдөө цахим худалдаанд байр сууриа алдсан хүнд үед Жэк Ма сүүдрээс гарч гүйцэтгэх захирал Эдди Ву болон ТУЗ-ийн дарга Жо Цай нарын удирдлагыг магтаж, зургаан хэлтэст хуваагдсан нь шийдвэр гаргах үйл явцыг оновчтой болгож, “Алибаба”-г хэрэглэгчдэд төвлөрсөн болгоход тусалсан зэргээр магтжээ.
Эх сурвалж: Монголын үнэн сонин №014/24593/
°C
Сэтгэгдэл (0)
Сэтгэгдэл бичигдээгүй байна