Украиныг Европын холбоонд элсүүлэх хүсэлтийг Францын зарим улстөрч татгалзсан байна. Гэхдээ Киевийг Европын холбоонд гишүүнээр элсүүлэх асуудлыг Москватай хийх хэлэлцээрийн нэг цэг болгохыг санал болгожээ. Эсэргүүцэгчид “Европын холбоонд Украины орон зай байхгүй. Бид Турктэй адилхан алдаа гаргаж байна. Энэ бол Европын холбоог сүйрүүлэх алдаа болно. Дэлхийд тэргүүлэгч үр тариа үйлдвэрлэгчийг нэгтгэх нь галзуурал” зэргээр хэвлэлүүдэд нээлттэй ярьжээ. Украин энэ онд Европын холбооноос “Ukraine Facility” хөтөлбөрийн хүрээнд 16 тэрбум еврогийн санхүүгийн тусламж хүлээж байгаа. “Политико” сэтгүүлд бичсэнээр, Украиныг Европын холбоонд элсүүлэхээр Брьюсселийн эрх баригчид нууцаар ажиллаж эхэлсэн. Удахгүй эхлэх Европын сонгууль, фермерүүдийн эсэргүүцлийн жагсаалын улмаас олон нийтэд мэдээлээгүй гэнэ. Үүнээс гадна Молдав, Балканы хэд хэдэн орныг Европын интеграцчилалд нэгтгэх талаар нээлттэй хэлэлцэхээс эмээж байна.
Эх сурвалж: Монголын үнэн сонин №014/24593/
°C
Сэтгэгдэл (0)
Сэтгэгдэл бичигдээгүй байна