“Их 4” Евро бүсийг уналтаас аварлаа

2024 оны эхний улиралд “Их 4”-ийн эдийн засаг хүлээгдэж байснаас илүү сэргэсэн. Европын комиссын статистикийн агентлаг болох Евростатаас гаргасан тоо баримтаас харахад инфляц, эрчим хүчний үнэ буурч, бодит цалингийн өсөлт, зээлийн хүүг бууруулах хэтийн төлөв үүнд нөлөөлжээ. Бүсийн дөрвөн  том эдийн засаг болох Герман, Франц, Итали, Испанийн эдийн засаг 0.2 хувиар өссөн байна. ХБНГУ-ын 2023 оны сүүлийн гурван сарын гүйцэтгэл анхны төсөөллөөс доогуур байсан билээ. Евро бүсийн жижиг эдийн засагтай орнуудаас энэ оны эхний улиралд Ирланд,  Латви, Литва, Унгар улс хамгийн сайн үзүүлэлттэй байна. Эдийн засгийн өсөлтийн үзүүлэлт нь Европын Төв банкны таамаглаж байснаас илүү хүчтэй байсныг шинжээчид онцолсон.  Гэхдээ Евро бүс сэргэлт авсан ч эдийн засаг аажмаар өсөх гэнэ.

Эх сурвалж: Монголын үнэн сонин №017/24596/