АНУ-ын Сенат Оросоос уран импортлохыг хориглох тухай хуулийн төслийг батлаад Ерөнхийлөгч Жо Байденаар гарын үсэг зуруулахаар илгээсэн. Гэхдээ Вашингтон 2028 он хүртэл ОХУ-аас нийлүүлэх ураны импортоо үргэлжлүүлэх бодолтой байна. АНУ-ын реакторуудын ажиллагааг хангахын тулд ураны өөр эх үүсвэр байхгүй эсвэл ийм худалдан авалт Вашингтоны “үндэсний ашиг сонирхолд” нийцэж байгаа тохиолдолд худалдан авалтыг үргэлжлүүлэх нөхцөлтэй. АНУ, Япон, Их Британи , Франц, Канадын тал ОХУ-аас хараат байдлаас ангижрахын тулд олон улсын нийлүүлэлтийн сүлжээг бий болгох хүсэл сонирхолтой байгаа юм.
АНУ-ын Төлөөлөгчдийн танхим 2023 оны төгсгөлд ОХУ-аас баяжуулсан уран импортлохыг хориглох тухай хуулийн төслийг баталсан билээ. Хуулийн төсөлд ОХУ-д үйлдвэрлэсэн эсвэл ОХУ-д бүртгэлтэй аль нэг аж ахуйн нэгжийн баяжуулсан ураны импортыг хязгаарлахыг санал болгожээ. НУ-ын Эрчим хүчний яамны мэдээлснээр ОХУ түлшний түүхий эд болгож баяжуулсан уранаа АНУ-ын 90 гаруй арилжааны реакторт нийлүүлдэг.
Эх сурвалж: Монголын үнэн сонин №017/24596/
°C
Сэтгэгдэл (0)
Сэтгэгдэл бичигдээгүй байна