Риши Сунак ард түмнээсээ уучлал гуйлаа

Их Британийн Ерөнхий сайд Риши Сунак 30 мянга орчим хүн ХДХВ, гепатит С-ийн халдвар авсан цус сэлбэлтийн дуулианы дараа ард түмнээсээ уучлал гуйлаа.

 Тэрбээр “Энэ бол Бри­танийн төрийн хувьд ичгүүртэй өдөр. Манай үндэстний амьдралд олон арван жил үргэлжилсэн ёс суртахууны доголдол оршиж байгааг харууллаа. Хохирогчид болон тэдний ар гэрийнхэнд төр, засгийн нэрийн өмнөөс уучлал гуйж, нөхөн төлбөр төлөх нь хангалтгүйг ойлгож байна. Бид системийг үндсээр нь тэнцвэржүүлэх ёстой. Ийм явдал дахин давтагдахгүй” гэжээ. 

Хохирогчдод төлөх санхүүгийн нөхөн төлбөрийн хэмжээг зарласан. Хэргийг судалсан Сэр Брайан Лангстаффын тайланд 1970-аад онд цус сэлбүүлсэн олон мянган иргэн ХДХВ, гепатитаар өвчилжээ. Мөрдөн байцаалтын ажиллагаа 2017 онд тухайн үеийн Ерөнхий сайд Тереза Мэйн захиал­гаар эхэлсэн юм. Тухайн үед цус сэлбэх шаардлагагүй байсан хүмүүс ч өвчилжээ. Энэ нь цусны бүлэгнэлтийн төрөлхийн дутагдал эсвэл буурснаас үүсдэг эмгэгийн үед уудаг эмийг авч байсан нь шинжлэх ухааны судалгаагаар тогтоогдсон. 

Донорууд нь ихэвчлэн хар тамхи хэрэглэдэг, өмнө нь ял эдэлж байсан хүмүүс байжээ. Тэдний цусыг 1986 он хүртэл ХДХВ, С гепатитын шинжилгээнд хамруулдаггүй байв.

Эх сурвалж: Монголын үнэн сонин №020/24599/