Дэвид Бэкхэм “Алибаба”-гийн элч боллоо

Английн домогт хөлбөмбөгчин Дэвид Бэкхэм Хятадын “Алибаба” технологийн группийн эзэмшдэг онлайн худалдааны  “AliExpress” платформын дэлхийн элч болжээ. Энэхүү гэрээг ирэх сард эхлэх “Евро 2024” хөлбөмбөгийн тэмцээний өмнөхөн байгуулсан нь хэвлэлүүдийн анхаарлыг татлаа. “AliExpress” нь энэ зуны спортын хит  “Евро 2024”, Парисын олимпын  ивээн тэтгэгч юм. Германд болох “Евро 2024” тэмцээнийг цахилгаан автомашин үйлдвэрлэгч BYD болон электроникийн “Vivo” зэрэг Хятадын компаниуд ивээн тэтгэж байна. Тус компани өнгөрсөн гуравдугаар сард Европын хөлбөмбөгийн удирдах байгууллага болох UEFA-гийн цахим худалдааны платформын онцгой түншийн гэрээ байгуулсан.  Бекхэм “Манчестер Юнайтед”, “Реал Мадрид” багт байхаасаа дэлхийн загварын дүр төрх болсон. Түүний гэр бүлийн нийт  хөрөнгө 455 сая фунт стерлингээр хэмжигддэг.

Эх сурвалж: Монголын үнэн сонин №021/24600/