Мелинда Гейтс эмэгтэйчүүд, гэр бүлийн эрхийг хамгаалахад зориулж нэг тэрбум ам.доллар хандивлалаа. Тэрбээр дэлхийн хэмжээнд эмэгтэйчүүдийн эсрэг улс төрийн хүчирхийлэл, эхийн эндэгдэл нэмэгдсэнтэй холбоотойгоор ийм шийдвэр гаргасан байна. “Гейтсийн сан” нь нийгмийн эрүүл мэндийн чиглэлээр үйл ажиллагаа явуулдаг хамгийн хүчирхэг төрийн бус байгууллагуудын нэг бөгөөд нийт 75 тэрбум ам.доллар хандивлажээ. Тус сан жил бүр олон тэрбум ам.долларыг халдварт өвчинтэй тэмцэх, ядуурлыг бууруулах, уур амьсгалын өөрчлөлттэй тэмцэхэд чиглэсэн санаачилгуудад зориулдаг. Мелинда Гейтс “Pivotal Ventures” хөрөнгө оруулалтын компаниараа дамжуулан эмэгтэйчүүд болон нийгмийн цөөнх бүлгүүдэд тулгарч буй саад бэрхшээлтэй тэмцэхийг дэмждэг.
Эх сурвалж: Монголын үнэн сонин №021/24600/
°C
Сэтгэгдэл (0)
Сэтгэгдэл бичигдээгүй байна