Ирланд, Испани, Норвегийн эрх баригчид Палестиныг тусгаар тогтносон улс хэмээн албан ёсоор хүлээн зөвшөөрлөө. “Ройтерс” агентлагийн мэдээлснээр, гурван улс Газын зурваст гал зогсоохыг баталгаажуулахын тулд бүхий л хүчин чармайлтаа гаргахад бэлэн бөгөөд Европын холбооны бусад орныг дагана гэдэгт найдаж байгаагаа илэрхийлжээ. Испанийн Ерөнхий сайд Педро Санчес “Энэ бол энх тайван, аюулгүй байдалд Израилтай мөр зэрэгцэн орших Палестин улс болох цорын ганц боломжит шийдэл" гэжээ. Тэгвэл Ирландын Гадаад хэргийн сайд Михаул Мартин Палестинтай бүрэн дипломат харилцаа тогтоож, Ирландын Рамалла хотод байрлах төлөөлөгчийн газрын статусыг Элчин сайдын яам болгон дээшлүүлэхийг зөвшөөрсөн. Норвегийн Гадаад хэргийн сайд Эспен Барт Эйде “Манай улс 30 гаруй жилийн турш Палестиныг идэвхтэй дэмжсэн. Өнөөдөр албан ёсоор хүлээн зөвшөөрч байгаа нь харилцааны чухал үе шат юм” гэжээ.
Эх сурвалж: Монголын үнэн сонин №021/24600/
°C
Сэтгэгдэл (0)
Сэтгэгдэл бичигдээгүй байна