Мексик улс түүхэндээ анх удаа эмэгтэй Ерөнхийлөгчтэй боллоо. Мехико хотын дарга асан Клаудиа Шейнбаум 57.8 хувийн саналаар ялалт байгуулжээ. Тэрбээр зүүний гурван намыг багтаасан эвслээс нэр дэвшсэн. Мехико хотод еврей гэр бүлд төрсөн Шейнбаум 2007 онд Уур амьсгалын өөрчлөлтийн асуудлаарх Засгийн газар хоорондын комиссын гишүүдийн хамтаар Нобелийн энх тайвны шагнал хүртжээ. Түүний сонгуулийн мөрийн хөтөлбөр гэмт хэрэгтэй тэмцэхэд төвлөрч байсан. Мехико хотын захирагчаар ажиллахдаа хүн амины гэмт хэргийн гаралтыг 1990 оноос хойш хамгийн доод түвшинд хүргэснээрээ улс төрд алдартай. Энэ туршлагадаа тулгуурлан Үндэсний гварди, муж улсын цагдаа, прокурорын уялдаа холбоо, тагнуул, мөрдөн байцаах албанд хяналт тавьж ажиллахаа амласан. Гэмт хэргийн эсрэг тэмцэл бүх цаг үед Мексикийн сонгуулийн мөрийн хөтөлбөрт багтдаг. Тус улсад 2023 онд хүн амины хэрэг багасаж 30 мянгаас доош буурсан. Сонгуулийн кампанит ажлын үеэр захиалгат аллагын үзүүлэлтээрээ дэлхийд тэргүүлдэг. Энэ Ерөнхийлөгч, амбан захирагч, төлөөлөгчдийн сонгуулийн кампанит ажлын үеэр 36 нэр дэвшигч амь үрэгджээ.
Эх сурвалж: Монголын үнэн сонин №022/24601/
°C
Сэтгэгдэл (0)
Сэтгэгдэл бичигдээгүй байна