“Их 7” Оросын царцаасан хөрөнгийг хэлэлцэнэ

“Их 7”-гийн удирдагчдын дээд хэмжээний уулзалт энэ сарын 13-15-нд Италийн өмнөд хэсгийн Апулия хотод болно. Уулзалтад АНУ-ын Ерөнхийлөгч Жо Байден оролцож,  Украинд үзүүлэх дэмжлэгийг хэлэлцэх юм байна. Уулзалтын эхний өдөр төлөөлөгчид Хятадын хэт их үйлдвэрлэлийн асуудал дэлхийн эдийн засагт сөргөөр нөлөөлж болзошгүй талаар санаа зовж буйгаа илэрхийлэв. Хэлэлцээрээ дуусгасны дараа хамтарсан мэдэгдэл гаргах төлөвтэй байна. Тэд мэдэгдэлдээ ямар хариу хүргүүлэх нь шинжээчдийн анхаарлыг татаж байна. Мөн Украинд үзүүлэх дэмжлэгт  Оросын битүүмжилсэн хөрөнгийг ашиглах нарийн шийдвэрүүдийг голчлон хэлэлцэнэ. Өмнө нь Европын холбоо өөрсдийн хүрээнд битүүмжилсэн Оросын хөрөнгийн ашгийг сэргээн босголт болон бусад зүйлд дэмжлэг үзүүлэхээр Украинд ашиглахаар тохиролцсон. Мөн АНУ Оросын төрийн өмчийг хураан авч, Украинд туслах зорилгоор ашиглахыг зөвшөөрсөн хууль гаргажээ. Уг хууль нь  АНУ-ыг “Их-7”-гийн  орнууд болон бусад талтай хамтран ажиллахыг уриалсан байдаг. Тус бүлгийн Сангийн сайд, Төв банкны ерөнхийлөгч нар Москвагийн битүүмжлэгдсэн хөрөнгийг хэрхэн хуваарилах шийдлийг эрэлхийлж байгаа аж. Цагаан ордны Үндэсний аюулгүй байдлын зөвлөлийн стратегийн харилцаа холбооны зохицуулагч Жон Кирбийн хэлснээр Оросын битүүмжилсэн хөрөнгөөс олсон орлогыг Украины талд ашигтайгаар эргүүлэн татах боломжгүйг дурдсан.

Эх сурвалж: Монголын үнэн сонин №022/24601/