​ “БРИКС+” уулзалт боллоо

БРИКС болон хөгжиж буй орнуудын Гадаад харилцааны сайд нарын “БРИКС+” яриа хэлэлцээр ОХУ-ын Нижний Новгород хотноо боллоо. БРИКС-ийн 10 орон, Тайланд, Лаос, Вьетнам, Бангладеш, Шри Ланка, Казахстан, Беларусь, Турк, Мавритани, Куба, Венесуэл, Бахрейн зэрэг 12 орны Засгийн газрын гишүүн  уулзалтад оролцжээ.  "БРИКС+" уулзалт нь шинээр хөгжиж буй зах зээл болон хөгжиж буй орнуудын яриа хэлэлцээрийн платформ юм. Талууд  БРИКС-ийн гишүүн орнууд болон хөгжиж буй орнуудын Гадаад харилцааны сайд нарын уулзалтын  стратегийн чухал ач холбогдлыг өндрөөр үнэлж, НҮБ-ын дүрмийн зорилго, зарчмуудыг баримталж, хамтын ажиллагаагаа бэхжүүлж, дэлхийн үйлдвэрлэл, ханган нийлүүлэлтийн сүлжээний тогтвортой байдлыг хадгалж, хөгжлийн зөрүүг багасгаж, хамтын хөгжилд хүрэхээ илэрхийлжээ.

Эх сурвалж: Монголын үнэн сонин №023/24602/