Казахстанд тахь нутагшуулж эхлэв

Дэлхийн сүүлчийн зэрлэг адуу болох тахийг Казахстанд нутагшуулж байна. Берлиний амьтны хүрээлэнгээс дөрвөн гүү, Прага хотын амьтны хүрээлэнгээс нэг азарга, хоёр гүүг Чехийн нисэх хүчний тээврийн онгоцоор авчиржээ. Тахийг Төв Азийн нүүдэлчид 5500 жилийн өмнө гаршуулсан гэдэг. Европод 3500 жилийн өмнө морийг уналга, ачилгад хэрэглэх болсон. Прагын амьтны хүрээлэнгийн хэвлэлийн төлөөлөгч Филип Масек “Тахь бол манай гараг дээр үлдсэн сүүлчийн зэрлэг адуу. Мустанг бол зэрлэгжсэн гэрийн адуу. Казахстанд Берлин, Мюнхен, Прага хотын амьтны хүрээлэнд үлдсэн тахийн хоёр бүлээс сонгон нутагшуулж байна. Ингэснээр биологийн олон янз байдлыг нэмэгдүүлэхэд тусална. Тахь газар цавчилж, гадаргын усыг хөрсөнд нэвчүүлдэг. Мөн хомоол нь говь талыг борддог. Орчин үеийн амьтны хүрээлэнгийн зорилго бол нэн ховордсон амьтдыг хамгаалах, үржүүлэх биш, зэрлэг байгальд нь эргүүлэн нутагшуулах явдал юм” гэжээ. Казахстаны талд тахь нутагшуулах бэлтгэл ажил өнгөрсөн сард дууссан. Ирэх таван жилийн хугацаанд тус улсад нэмж 40 тахь нутагшуулахаар төлөвлөжээ. 

Эх сурвалж: Монголын үнэн сонин №024/24603/