Вена хотын цагдаа нар халдлага үйлдэхээр төлөвлөж байсныг таслан зогсоосны дараа Тейлор Свифтийн шоуг цуцлав. “Исламын улс” бүлэглэлд үнэнч, 19 настай залууг гол сэжигтнээр татан баривчилжээ. Сэжигтний гэрээс химийн бодис хураан авч, үнэлгээ хийж байна. Түүний хамсаатан байж болзошгүй хоёр дахь хүнийг баривчилсан аж. Дуучин Тейлор Свифт гурван өдрийн аялан тоглолтын хуваарьтай байсан. Төлөвлөсөн тоглолтуудыг 170 мянган хүн үзэхээр тасалбар авчээ. Австрийн канцлер Карл Нехаммер цахим сүлжээндээ "Зохион байгуулагчид тоглолтыг цуцалсанд Тейлор Свифтийн шүтэн бишрэгчдийн сэтгэлийг гонсойлголоо. Гэхдээ Венад төлөвлөж байсан террорист халдлага ноцтой байсан. Австри болон гадаадын тагнуулын албаны хамтын ажиллагааны ачаар эмгэнэлт явдлаас урьдчилан сэргийллээ” гэж бичжээ. Дуучин Ариана Гранде 2017 онд Манчестер хотод тоглолтоо хийх үеэр амиа золиослогч бөмбөг дэлбэлж, 22 хүн нас барсан юм.
Эх сурвалж: Монголын үнэн сонин №029/24608/
°C
Сэтгэгдэл (0)
Сэтгэгдэл бичигдээгүй байна