Ромын пап Франциск Ази Номхон далайн орнуудад 12 өдрийн айлчлал хийж байна. Индонез, Папуа Шинэ Гвиней, Зүүн Тимор, Сингапурт хийж буй далайцтай айлчлалыг 2020 онд төлөвлөсөн ч цар тахлын улмаас хойшлуулжээ. Папын айлчлал Индонез улсаас эхэлсэн. Тэрбээр шашин хоорондын цугларалтад оролцож, Ерөнхийлөгч Жоко Видодотой уулзжээ. Папуа Шинэ Гвинейд айлчлахдаа далайн түвшин нэмэгдэж, хэт халалт, далайн хар салхи зэрэг хүн төрөлхтний сорилтуудыг дурдаж, цаг уурын өөрчлөлтийн аюулыг даван туулахыг уриаллаа. Харин католик шашинтнууд төвлөн оршин суудаг Зүүн Тиморын иргэд Ватиканыг шашны байгууллага дахь бэлгийн хүчирхийлэлтэй тэмцэхийг шаарддаг. Тиймээс пап Францискийн айлчлалын үеэр энэ сэдвийг хөндөж магадгүй. Пап Франциск Сингапурт зочилсноор Азид хийж буй айлчлалаа дуусгана. Шинжээчид уг айлчлалыг 12 сая католик шашинтантай БНХАУ-тай харилцаагаа сайжруулах Ватиканы хүчин чармайлтын илэрхийлэл гэжээ.
Эх сурвалж: Монголын үнэн сонин №033/24612/
°C
Сэтгэгдэл (0)
Сэтгэгдэл бичигдээгүй байна