Их Британийн эрх баригчид хууль бус шилжилт хөдөлгөөн нэмэгдэж, байдал дордож байгааг мэдэгдлээ. Францын эргийн ойролцоо цагаачдын хөлөг онгоц живсэн нь Европын орнуудын хууль бус цагаачлалыг бууруулах бодлого үр дүнд хүрээгүйг харуулжээ. Өмнө нь Их Британи цагаачдыг албадан гаргах замаар Руанда руу илгээх хуулийн төслийг баталсан. Улмаар цагаачдын тоог 300 мянгад барихаар тооцоолжээ. Үүнээс гадна цагаач ажилчдыг гэр бүлтэйгээ ирэхийг хориглох, эрүүл мэндийн үйлчилгээний төлбөрийн хөнгөлөлтийг бууруулах зэрэг арга хэмжээ авчээ. Засгийн газраас цагаачдын урсгалыг хязгаарлах багц арга хэмжээг боловсруулахдаа, визтэй гадаадын ажилчдын цалингийн доод хэмжээг нэмэгдүүлэхээр төлөвлөсөн юм. Цагаачлал Британийн улс төрийн гол сэдэв, Европын холбооноос гарах шийдвэрт нөлөөлсөн үндсэн хүчин зүйл байлаа. Тус улсад Энэтхэг, БНХАУ, Нигери зэрэг улсын иргэд түлхүү суурьшдаг.
Эх сурвалж: Монголын үнэн сонин №033/24612/
°C
Сэтгэгдэл (0)
Сэтгэгдэл бичигдээгүй байна