Ливаны нийслэл Бейрутэд пейжер дэлбэрч олон хүний амь эрсдэж, гэмтсэн тухай “Al Jadeed” телевизийн суваг мэдээлсэн. “Аль Жазира”-д бичсэнээр Израилын цэргийнхэн “Хезболла” бүлэглэлийн ашиглаж байсан пейжерүүдийг хакердаж, дэлбэлжээ. Тодруулбал, Моссад буюу Израилын тагнуулын агентлаг шийтийн “Хезболла” хөдөлгөөний захиалгаар Тайваньд үйлдвэрлэсэн 5000 пейжерт бага хэмжээний тэсрэх бодис байрлуулсан байж магадгүй гэнэ. Дэлбэрэлт болохоос хэдэн сарын өмнө “Хезболла” бүлэглэл Тайваньд төвтэй “Алт Аполло” компанид 5000 пейжер захиалсан. Тусгай код мессеж илгээхэд гурван мянган пейжер идэвхжиж, нэгэн зэрэг дэлбэрсэн байна. Өөр нэг эх сурвалжийн мэдээлснээр пейжерүүдэд гурван грамм хүртэл тэсрэх бодис нууцаар суурилуулсан нь сканнерын шалгалтаар илрэх боломжгүй. “Sky News Arabia” телевизийн сувгийн мэдээлснээр Моссад пейжерийн батерейд тэсэрч дэлбэрэх пентаэритритол тетранитрат байрлуулсан байж болзошгүй гэжээ. Эх сурвалжийн мэдээлснээр, Израилын тагнуулын албаныхан батарейг зайнаас ачааллаж халааснаар дэлбэрэлт үүсгэжээ.
Эх сурвалж: Монголын үнэн сонин №035/24614/
°C
Сэтгэгдэл (0)
Сэтгэгдэл бичигдээгүй байна