Алексей Навальныйн "Эх оронч" намтар номыг 36 улсад зэрэг худалдаанд гаргажээ. Навальный баривчлагдахаасаа өмнө энэхүү номоо бичиж эхэлсэн байв. Улстөрчийг шоронд нас барсны дараа багийнхан нь үргэлжлүүлэн бичиж дуусгажээ. Түүний үйл хэргийг залгамжлагч, эхнэр Юлия Навальная ВВС-д өгсөн ярилцлагадаа “Ард түмэн түүнийг битгий мартаасай. “Эх оронч” номыг 26 үндэстний хэлээр худалдаанд гаргаснаар дэлхийн хүмүүс Алексейн тухай дэлгэрэнгүй мэдэх болно. Энэ ном энгийн нэг дурсамж биш, Оросын сөрөг хүчний улс төрийн гэрээслэл. Нөхрийн минь сүүлчийн захиас, тэвчээр, эр зориг, эх орныхоо сайн сайхан ирээдүйд итгэх итгэлийн нотолгоо юм. Тэр нас барсан ч дуу хоолой нь тод цуурайтаасай гэж хүссэн” гэжээ. Номд Навальныйн бага нас, хэрхэн улстөрч, Оросын сөрөг хүчний удирдагч болсон тухай өгүүлдэг. Алексей Навальный 2020 оны намар “Новичок”-т хордож Германд эмчлүүлсний дараа намтраа бичиж эхэлсэн байна. Иймд ном “Үхэхэд өвддөггүй” гэсэн өгүүлбэрээр эхэлдэг аж.
Эх сурвалж: Монголын үнэн сонин №040/24619/
°C
Сэтгэгдэл (0)
Сэтгэгдэл бичигдээгүй байна