Манлайллын академиас "Leadership academy 2.0" сургагч багш нарын зэрэг ахиулах сургалтыг энэ сарын 18,19-ний өдрүүдэд зохион байгууллаа. 21 аймаг, есөн дүүргийн бүсийн багш нарыг чадавхжуулах, тэдгээрийн идэвх оролцоог нэмэгдүүлэх, академийн цаашдын зорилго зорилтыг нэгтгэх зорилготойгоор зохион байгуулсан энэхүү сургалтад нийт 40 багш хамрагдав. Сургалтын эхний өдөр Манлайллын академийн захирал Б.Төмөр-Очир оролцож 2025 онд хэрэгжүүлэх арга хэмжээ, 2.0 хөтөлбөрийн цаашдын хэрэгжилтийн талаар танилцуулсан юм. Улмаар хөтөлбөрийн дагуу үндэсний 7 одтой сургагч багш Б.Золбадралын “Дэлхийн манлайллын чиг хандлага, ур чадвараа сайжруулах арга замууд” сэдэвт хичээлээр сургалт эхэлсэн юм. Сургалтын хоёрдугаар хэсэгт СДМЗХ-ны ерөнхийлөгч, ерөнхий нарийн бичгийн дарга нар сургагч багш нартай уулзаж "Дэвшилтэт хөгжлийн стратеги"-д туссан үйл ажиллагааны талаар мэдээлэл хүргэж, санал солилцов. Үүний дараа “Төсөл хөтөлбөрийг амжилттай хэрэгжүүлэх нь”, “Жендэрийн мэдрэмжтэй манлайлал”, “Сургагч багшийн зарим ур чадварууд” сэдвээр багш нар сургалт авлаа. Харин сургалтын хоёр дахь өдөр кофетой чөлөөт ярилцлагаар эхлэв. Энэ үеэр багш нар өмнөх өдрийн сургалтаа дүгнэсэн бөгөөд үргэлжлүүлэн “Манлайллын таван түвшин”, “Уналт”, “Арга хэмжээг үр дүнтэй зохион байгуулах нь”, “Улс төрийн манлайллыг бүтээх нь”, “Манлайлагчдын хэв шинжүүд, өөрийгөө бүтээх нь” сэдвээр сургалтууд орж төгсгөлд нь хичээл орсон үндэсний багш нарт талархал илэрхийлэн, амжилттай суралцагсдад батламж гардуулсан юм.
Эх сурвалж: Монголын үнэн сонин №003/24630/
°C
Сэтгэгдэл (0)
Сэтгэгдэл бичигдээгүй байна