Эв нэгдэл, эргэх холбоо дор нэгдсэн Багануур дүүргийн МАН-ын хороо

Тэртээх 1978 оны  аравдугаар сарын 28-нд орон тооны бус анхны үүр, улмаар 1980 онд орон тооны намын хороо байгуулагдсанаар Багануур дүүргийн Монгол Ардын Намын хорооны түүхийн он тоолол эхэлж, өдгөө 45  дахь жилтэйгээ золгож байгаа билээ. Тус дүүргийн МАН-ын хороо одоогоор ажлын алба болон таван хорооны намын хороо, анхан шатны 11 үүр, 169 аравт болон хяналтын хороо, намын дэргэдэх дөрвөн төрийн бус байгууллага гэсэн бүтэц, зохион байгуулалттайгаар тогтмол үйл ажиллагаагаа явуулж байна. Тус намын хороо нь Бага хурлын 6 гишүүн, Нийслэлийн намын хорооны 11 гишүүн, дүүргийн намын хорооны 15 тэргүүлэгч, дүүргийн намын хороо 101 гишүүдтэй.
Багануур дүүргийн МАН-ын хорооны 2012 оны наймдугаар сарын 6-ны хурлаар Ц.Сандаг-Очир олонхийн санал авч, намын хорооны даргаар сонгогдон өдгөө 13 дахь жилдээ намын хорооноос эхлээд анхан шатны байгууллагуудын ажлыг тогтмолжуулан идэвхжүүлж, гишүүд, дэмжигчдийнхээ эгнээг өргөтгөж, ажилт ялалтаа ахиулан бататгахын төлөө эв нэгдэлтэй, эргэх холбоотой байх зарчим баримтлан ажилладаг байна. Тухайлбал, өнгөрсөн хугацаанд зохион байгуулагдсан зургаан шатны зургаан удаагийн сонгуульд амжилттай оролцож, үнэмлэхүй ялалт байгуулав. Мөн намын гишүүдийнхээ цар хүрээг 18-35 хүртэлх насны залуучуудаар өргөжүүлэн тэлж, өдгөө enam.mn-д 4000 гаруй бүртгэл үүсгэж чадсан байна. 

Бүтэн төлөвлөгөө бүрэн биелэлт 

Багануур дүүргийн МАН-ын хорооныхон жил бүр хүрэх зорилго зорилт, хийж хэрэгжүүлэх ажил, арга хэмжээгээ төлөвлөж, эцэст нь дүгнэдэг уламжлалтай аж. Энэ жишгээр тэд өнгөрсөн онд хийж хэрэгжүүлэхээр төлөвлөсөн 44 ажил, арга хэмжээгээ 97 хувийн биелэлттэй гүйцэтгэжээ.  
Намын хорооноос Бага хурлыг дөрвөн жил тутамд, намын хорооны гишүүдийн хуралдааныг жил бүр, тэргүүлэгчдийн хурлыг тухай бүрд тогтмол зохион байгуулдагаас гадна хорооны намын хороо, үүрүүд жил бүр тайлангийн хурлаа хийж, гүйцэтгэсэн ажил, арга хэмжээгээ тайлагнаж, цаашдын зорилго төлөвлөгөөндөө гишүүдийнхээ санал бодлыг тусган ажилладаг байна. Тодруулбал, өнгөрсөн онд зохион байгуулагдсан шат шатны сонгуульд оролцож,  амжилт ялалтаа бататгахын зэрэгцээ намын хорооны тэргүүлэгчид нь XI, XII, XIII, XIV, XV, XVI, XVII хуралдаанаа зохион байгуулж, 15 асуудал хэлэлцэн 17 тогтоол гаргаж, долоон тэмдэглэл хөтлөн хэрэгжилтийг 100 хувь хангажээ. 
Түүнчлэн намын хороо, хороодын намын хороо, үүрүүд, мөн намын хорооны дэргэдэх төрийн бус байгууллагууд үйл ажиллагаагаа тогтмолжуулж, гишүүд, дэмжигчдээ идэвхжүүлэх томоохон ажил, арга хэмжээг тогтмол зохион байгуулж хэвшсэнээрээ онцлогтой. Тухайлбал, намын хорооны гишүүдийн идэвх оролцоог нэмэгдүүлэх зорилгоор жил бүр “Эрүүл агаар-Эв нэгдэл” арга хэмжээг зохион байгуулдаг байна. Мөн хоёр жил тутамд зохион байгуулдаг “Бага Олимп” спортын таван төрөлт тэмцээнийг энэ сарын 6-9-ний хооронд амжилттай зохион байгуулсан бол төлөвлөгөөний дагуу уламжлалт урлагийн наадмаа ирэх жил буюу 2026 оны зохион байгуулах аж. 
Уламжлал болгон зохион байгуулдаг намын гишүүдийн намрын цугларалт, Эх орончдын баяр, Бага Олимп, урлагийн наадам зэрэг уламжлалт арга хэмжээнүүдийг Төрийн бус байгууллагууд, хорооны намын хороодууд ээлжлэн хариуцаж намын хороотойгоо хамтран зохион байгуулж хэвшсэн нь намын хороо, ТББ-ын идэвхтэн сонгуультнуудын идэвх оролцоог жигд хангах чухал ач холбогдолтой юм.

Эв нэгдэл бас амжилт ялалт 

Багануур дүүргийн МАН-ын хорооны хувьд 2020, 2021 болон 2024 онд зохион байгуулагдсан УИХ, нийслэл, дүүргийн зургаан шатны зургаан удаагийн сонгуульд амжилттай оролцон дараалан үнэмлэхүй ялалт байгуулсан томоохон амжилт нь түүхийн хуудаснаа тодоор бичигдээд буй. Тодруулбал,  2020 оны УИХ сонгуулийн 21 дүгээр тойрогт тухайн үед дүүргийн Засаг даргаар ажиллаж байсан, Багануур дүүргийн МАН-ын хорооны дарга Ц.Сандаг-Очир нэр дэвшин ялалт байгуулсанаар УИХ-д хоёр төлөөлөлтэй болж, тэр үеийн шинэ Засгийн газрын Эрчим хүчний сайдаар Н.Тавинбэх, Шадар сайдаар С.Амарсайхан нар томилогдсон нь Багануур дүүргийн МАН-ын хорооны хувьд түүхэн үйл явдал болсон юм. Мөн оны нийслэлийн ИТХ-д одоогийн Багануур дүүргийн Засаг дарга С.Даваасүрэн, ИТХ-ын дарга Т.Отгонболд нар нэр дэвшин ялалт байгуулж, багануурчууд анх удаа нийслэлд хоёр төлөөлөлтэй болж чаджээ. Түүнчлэн 2020 онд дүүргийн ИТХ-ын сонгуулийн 17 мандатын 16-д нь МАН-аас нэр дэвшигчид олонхын санал авч, үнэмлэхүй ялалт байгуулж байсан түүхтэй. 
Энэхүү амжилт, ялалтын түүхийг өдгөө ч үргэлжлүүлсээр. Тодруулбал, Багануур дүүргийн МАН-ын хорооныхон 2024 оны шат шатны сонгуульд оролцон амжилт, ялалтаа бататгасан билээ. Тодруулбал, С.Амарсайхан, Ц.Сандаг-Очир нар УИХ-ын сонгуульд оролцож багаараа ялалт байгуулан УИХ-ын гишүүнээр дахин сонгогдсон. Мөн нийслэл, дүүргийн ИТХ-ын ээлжит сонгуульд Багануур дүүргийн МАН-ын хорооноос нэр дэвшсэн 27 төлөөлөгч амжилттай оролцож, Нийслэлийн ИТХ-д хоёр суудал авч 100 хувийн, Дүүргийн ИТХ-д 13 суудал авч, 52 хувийн ялалт байгуулсан юм. 
Түүнчлэн тус намын хороо 2008, 2009, 2011, 2012, 2014, 2016, 2017, 2020, 2021, 2024 онд “Нийслэлийн Тэргүүний дүүргийн намын хороо”-гоор, нийслэлийн Бага Олимп-2017, 2019 онд шилжин явах цомын эзэд, 2015, 2021 онд нийслэлийн Шилдэг хамт олноор шалгарч байжээ. 
Багануур дүүргийн МАН-ын хорооны тасралтгүй үргэлжилж буй энэ бүх амжилт, ялалтын цаад утга учир нь нэг зорилго, нэг хүсэл тэмүүлэл дор нэгдэхийн зэрэгцээ  итгэл зүтгэлтэй, эв нэгдэлтэй, хариуцлагатай хамт олон болон төлөвшиж, энэхүү үнэт зарчим буюу жанжин шугамаасаа хазайхгүй, баримтлан ажиллаж чаддагт оршиж буй гэдгийг тус намын хорооныхон онцлон тодотгож байлаа. 

Өргөтгөн шинэчилсэн бүтэц бүрэлдэхүүн

Багануур дүүргийн МАН-ын хороо намын хороо, ХНХ, үүр, аравтын системийн зохион байгуулалттайгаар намын гишүүддээ хүрч, эргэх холбоотой ажилладгаараа онцлогтой. Тус намын хороо 2021 онд дарга, орон тооны нэг дэд дарга, 11 тэргүүлэгч, намын хорооны 67 гишүүнтэй байсан бол 2022 онд хуралдсан XV Бага хурлаар намын хорооны дарга, хоёр дэд дарга, 15 тэргүүлэгч, намын хорооны гишүүдийн тоог 101 болгон өргөтгөн шинэчилж өөрчилжээ. 
Багануур дүүргийн МАН-ын хорооны бүтэц бүрэлдэхүүнийг танилцууулъя. 
Багануур дүүргийн МАН-ын хорооны даргаар, УИХ-ын гишүүн Ц.Сандаг-Очир, 
Хяналтын хорооны даргаар Д.Энхбаатар, 
Нийгмийн бодлого хариуцсан дэд даргаар НИТХ-ын төлөөлөгч Т.Отгонболд,
Санхүү төсөв хариуцсан дэд даргаар НИТХ-ын төлөөлөгч С.Даваасүрэн,
Улс төрийн ажилтнаар Б.Эрдэнэчимэг,
СДМАХ-ны даргаар С.Мягмар,
СДМЭХ-ны даргаар Б.Буянхишиг,
СДМЗХ-ны даргаар М.Мягмаржаргал,  
СДМОХ-ны даргаар Б.Алтан-Эрдэнэ, 
Улс, Нийслэлийн хошой Тэргүүний Нэгдүгээр хорооны намын хорооны даргаар Б.Батболд, дэд даргаар Д.Хурцаа ажиллаж байна. Тус ХНХ нь гурван үүртэй, 45 тэргүүлэгч, 38 аравттай, нийт 812 намын гишүүдтэй байна. 
Улс, Нийслэлийн Хошой тэргүүний Хоёрдугаар хорооны намын хорооны даргаар П.Төгөлдөр, дэд даргаар Э.Алтанжаргал нар ажиллаж байна. Тус ХНХ нь есөн тэргүүлэгч, есөн аравттай, нийт 191 намын гишүүнтэй байна. 
Улс, Нийслэлийн Хошой тэргүүний Гуравдугаар хорооны намын хорооны даргаар Т.Отгонболд, дэд даргаар Х.Оюунгэрэл ажиллаж байна. Тус ХНХ нь гурван үүртэй, 45 тэргүүлэгч, 37 аравттай, нийт 959 намын гишүүдтэй байна. 
Улс, Нийслэлийн дөрвөн удаагийн тэргүүний Дөрөвдүгээр хорооны намын хорооны даргаар Ж.Мөнхцэцэг, дэд даргаар Ч.Энхтуяа ажиллаж байна. Тус ХНХ нь хоёр үүртэй, 22 тэргүүлэгч, 67 аравттай, нийт 1172 намын гишүүдтэй байна. 
Улс, Нийслэлийн Тэргүүний Тавдугаар хорооны намын хорооны даргаар Б.Балжинням, дэд даргаар С.Жаргалмаа ажиллаж байна. Тус ХНХ нь хоёр үүртэй, 30 тэргүүлэгч, 39 аравттай, нийт 893 намын гишүүдтэй байна. 
Мягмарсүрэнгийн Мягмаржаргал даргатай дүүргийн Намын хорооны дэргэдэх Социал Демократ Монголын Залуучуудын холбооны тэргүүлэгч залуучууд. Тус холбоонд 992 гишүүн харъяалагддаг.
Буян-Очирын Буянхишиг даргатай дүүргийн Намын хорооны дэргэдэх Социал Демократ Монголын Эмэгтэйчүүдийн  холбооны тэргүүлэгч эмэгтэйчүүд. Тус холбоонд 2435 гишүүн харъяалагддаг. 
Батбаатарын Алтан-Эрдэнэ даргатай дүүргийн Намын хорооны дэргэдэх Социал Демократ Монголын Оюутны холбооны тэргүүлэгч оюутнууд. Тус холбоонд 252 гишүүн харъяалагддаг. 
Стермөнхийн Мягмар даргатай дүүргийн Намын хорооны дэргэдэх Социал Демократ Монголын Ахмадын холбооны тэргүүлэгч ахмадууд. Тус холбоонд 1368 гишүүн харъяалагддаг. 
Нийт намын гишүүн 2020 онд 3053, 2021 онд 3696 байсан бол 2022 онд 3845, 2023 онд 3913 бүртгэлтэй байсан бол 2024 онд 4025 намын гишүүн enam.mn –д бүртгэлтэй байна. 4025 гишүүний эрэгтэй-1590, эмэгтэй-2435 гишүүн байна.
Насны байдлаар авч үзвэл: Нийт гишүүдийн хамгийн их буюу 993 нь буюу 24 хувийг 18-35 хүртэлх насныхан эзэлж байгаагаас харахад манай намд  залуучуудын эзлэх байр суурь өндөр байсаар байгааг харуулж байна. 

 Эх сурвалж: Монголын үнэн сонин №007/24634/