Нийслэлийн Засаг дарга бөгөөд Улаанбаатар хотын захирагч Х.Нямбаатарын урилгаар Буриадын Бүгд найрамдах улсын Засгийн газрын тэргүүн Алексей Цыденов Улаанбаатарт хотод айлчлах гэж байна.
Айлчлалын хүрээнд тэрбээр Шадар сайд С.Амарсайхан, ОХУ-аас манай улсад суугаа Бүрэн эрхт Элчин сайд Алексей Евсиков нартай уулзана.
-Улаанбаатар хот зөвхөн Монгол Улсын нийслэл төдийгүй тус улсын хөгжлийн төв нь юм. Бид тус хоттой хамтран ажиллах шинэ хэтийн төлөвийг харж байна. Ерөнхийдөө бид, Монгол Улстай байнгын хамтын ажиллагаатай ажиллаж байна. Олон салбарт нягт уялдаа холбоотой ажиллаж байна. Эдийн засгийн хувьд худалдааны хэмжээ болоод харилцан хөрөнгө оруулалт ч нэмэгдэж байна. Мөн нийгмийн салбарт олон чиглэлд хамтран ажиллаж байна. Тухайлбал орос хэлний багш нарыг бэлтгэж байна. Цаашид ч монголын багш нарыг бэлтгэх ажилд хамтран ажиллана. Уг төслийг хэрэгжүүлэх механизмыг хамт олонтойгоо ярилцаж байна. Ерөнхийдөө, айлчлалын хөтөлбөр шахуу байна. Бидний хамтын ажиллагаа илүү бэхжинэ гэж найдаж байна гэж Алексей Цыденов хэллээ.
Түүнчлэн, Буриадын тэргүүн Аугаа эх орны дайны ялалтын 80 жилийн ой манай хоёр орныг нэгтгэж байгааг онцолсон байна. Энэхүү үйл ажиллагааны хүрээнд зориулан Засайн толгой дох Зөвлөлтийн дайчдын хөшөөнд цэцэг өргөж, хүндэтгэл үзүүлнэ.
°C
Сэтгэгдэл (0)
Сэтгэгдэл бичигдээгүй байна