Шинэ-дэвшилтэт бодлого сургалт Баянхонгор аймагт өнөөдөр нээлтээ хийлээ. Сургалтад Баянхонгор аймгийн намын анхан шатны байгууллагын гишүүд, дэмжигчид оролцож байгаа юм. Тус аймагт МАН-ын нарийн бичгийн дарга Б.Тулга ахлагчтай Баянхонгор, Ховдын бүсийг хариуцсан баг ажиллаж байна. Сургалтыг Бүсийн ахлагч, МАН-ын нарийн бичгийн дарга Б.Тулга нээлээ. Энэхүү сургалтаар МАН-ын 30 дахь Их хурлын тогтоол, шийдвэрийг хэрэгжүүлэх, социал демократ үзэл баримтлал, Шинэ сэргэлтийн бодлогыг таниулах, хүний эрхийн орчныг сайжруулах, авлигын эсрэг дэвшилтэт бодлогыг түгээн дэлгэрүүлэх зорилготой.
Намын анхан шатны байгууллагуудын үйл ажиллагааг эрчимжүүлэх, намын гишүүд, дэмжигчдийг чадавхжуулах, хүний эрхийн манлайлагчдыг бэлтгэх юм.
Б.Тулга ахлагчтай бүсийн бүрэлдэхүүн таван баг болон хуваагдаж, сумдад сургалтаа үргэлжүүлнэ.
МАН-аас зохион байгуулж буй Шинэ-дэвшилтэт бодлого сургалт энэ сарын 7-ноос эхлэн аймгуудад нэгэн зэрэг нээлтээ хийж байна. МАН-ын бага хурлын гишүүд энэ долоо хоногт аймгуудад ийнхүү сургалт зохион байгуулж байгаа юм.
Н.Нягт
°C