МАН-аас Шинэ зуун-дэвшилтэт бодлого сургалтыг энэ сарын 7-12-ны өдрүүдэд 15 аймаг 236 суманд зохион байгуулж байна. Энэ хүрээнд МАН-ын нарийн бичгийн дарга нар, газрын дарга нараар ахлуулсан нийт 79 баг орон нутагт ажиллаж байна. Сургалтаар МАН-ын 30 дахь Их хурлын тогтоол, шийдвэрийг хэрэгжүүлэх хүрээнд социал демократ үзэл баримтлал, Шинэ сэргэлтийн бодлогыг таниулах, хүний эрхийн орчныг сайжруулах, авлигын эсрэг дэвшилтэт бодлогыг түгээн дэлгэрүүлэх юм. Тус сургалтаар намын анхан шатны байгууллагуудын үйл ажиллагааг эрчимжүүлж, намын гишүүд, дэмжигчдийг чадавхжуулах, хүний эрхийн манлайлагчдыг бэлтгэх зорилготой аж.
МАН-ын Технологи, инновацын газрын дарга Н.Жавхлангаар ахлуулсан баг өнөөдөр Өвөрхангай аймагт Шинэ зуун-дэвшилтэт бодлого сургалтын нээлтийг хийв. ажиллаж байна. Сургалтын нээлтэд Өвөрхангай аймгийн МАН-ын хорооны дарга, аймгийн Засаг дарга А.Ишдорж, Аймгийн МАН-ын хорооны дэд дарга М.Батзориг, Өвөрхангай аймгаас сонгогдсон намын Бага хурлын гишүүд, аймгийн МАН-ын хорооны гишүүд, дэмжигчид оролцжээ.
Өвөрхангай аймгийн сургалтыг МАН-ын Технологи, инновацын газрын дарга Н.Жавхлан нээж, намын бодлого, үйл ажиллагаа, Социал демократ үзэл баримтлал, Шинэ сэргэлтийн бодлого, Авлигын эсрэг дэвшилтэт бодлого, Цахим нам – 2.0 зэрэг намаас хийж хэрэгжүүлж буй томоохон ажлуудын талаар мэдээлэл өгсөн байна.
Н.Нягт
°C