МАН-аас Шинэ зуун-дэвшилтэт бодлого сургалтын нээлтийг өнөөдөр Говьсүмбэр аймагт зохион байгуулжээ. Сургалтыг Говьсүмбэр аймгийн МАН-ын хорооны дарга Г.Батсуурь нээж, МАН-ын Хяналтын ерөнхий хорооны дарга Б.Баярбаатар илтгэл тавьсан байна. МАН-ын Хяналтын ерөнхий хорооны дарга Б.Баярбаатар илтгэлдээ намын бодлого, үйл ажиллагаа, Социал демократ үзэл баримтлал, Шинэ сэргэлтийн бодлого, Авлигын эсрэг дэвшилтэт бодлого, Цахим нам – 2.0 зэрэг намаас хийж хэрэгжүүлж буй томоохон ажлуудын талаар мэдээлэл өгчээ.
Шинэ зуун-дэвшилтэт бодлого сургалтыг энэ сарын 7-12-ны өдрүүдэд орон нутагт зохион байгуулж байна. Сургалтаар МАН-ын 30 дахь Их хурлын тогтоол шийдвэрийг хэрэгжүүлэх, социал демократ үзэл баримтлал, Шинэ сэргэлтийн бодлогыг таниулах, хүний эрхийн орчныг сайжруулах, авлигын эсрэг дэвшилтэт бодлого зэрэг МАН-ын зүгээс хийж хэрэгжүүлж байгаа, хийж хэрэгжүүлэхээр төлөвлөж буй ажлын талаар мэдээлэл өгч, Хүний эрх, Жендэрийн сургагч багш нарын сургалтуудыг зохион байгуулна.
Түүнчлэн анхан шатны гишүүд, дэмжигчдийн санал хүсэлтийг сонсох юм.
Н.Нягт
°C