МАН-ын Намын байгуулалтын газрын дарга Б.Пүрэвдагваар ахлуулсан баг Дорнод аймагт ажиллаж, Шинэ зуун-дэвшилтэт бодлого сургалтыг нээлээ. Сургалтын нээлтэд Дорнод аймгийн МАН-ын хорооны дэд дарга Ц.Сүхбаатар ,Бүс хариуцсан зохицуулагч Б.Билгүүн Дорнод аймгаас сонгогдсон Намын Бага хурлын гишүүд, аймгийн МАН-ын хорооны гишүүд, дэмжигчид оролцсон байна. МАН-ын Намын байгуулалтын газрын дарга Б.Пүрэвдагва намын бодлого, үйл ажиллагаа, Социал демократ үзэл баримтлал, Шинэ сэргэлтийн бодлого, Авлигын эсрэг дэвшилтэт бодлого, Цахим нам – 2.0 зэрэг намаас хийж хэрэгжүүлж буй томоохон ажлуудын талаар сургалтын нээлтийг хийхдээ мэдээлэл өгсөн байна.
МАН-ын 30 дахь Их хурлаа хийж, Социал демократ үзэл баримтлалтай нам болохоо зарлаж, Шинэ зуун-дэвшилтэд бодлогыг баталсан.
Энэ сарын 7-12-ны өдрүүдэд МАН-ын 30 дахь Их хурлын тогтоол шийдвэрийг хэрэгжүүлэх, социал демократ үзэл баримтлал, Шинэ сэргэлтийн бодлогыг таниулах, хүний эрхийн орчныг сайжруулах, авлигын эсрэг дэвшилтэт бодлогыг түгээн дэлгэрүүлэх зорилгоор намын анхан шатны байгууллагуудын үйл ажиллагааг эрчимжүүлэх, намын гишүүд, дэмжигчдийг чадавхжуулах, хүний эрхийн манлайлагчдыг бэлтгэх зорилготойгоор Шинэ зуун-дэвшилтэт бодлого сургалтыг зохион байгуулж байгаа аж. Энэ сургалтыг 15 аймгийн 236 суманд зохион байгуулах юм байна.
Н.Нягт
°C