МАН-ын Технологи, иннновацийн газрын дарга Н.Жавхлангаар ахлуулсан баг өнөөдөр Архангай аймагт ажиллаж, Шинэ зуун-дэвшилтэт бодлого сургалтыг нээв. Сургалтын нээлтэд Архангай аймгийн МАН-ын хорооны дарга Б.Цэрэннадмид нар болон тус аймгаас сонгогдсон МАН-ын Бага хурлын гишүүд, аймгийн МАН-ын хорооны гишүүд, дэмжигчид оролцлоо. Архангай аймгийн сургалтыг МАН-ын Технологи, инновацийн газрын дарга нээж, намын бодлого, үйл ажиллагаа, социал демократ үзэл баримтлал, Шинэ сэргэлтийн бодлого, Авлигын эсрэг дэвшилтэт бодлого, Цахим нам – 2.0 зэрэг намаас хийж хэрэгжүүлж буй томоохон ажлуудын талаар мэдээлэл өгсөн байна.
Архангай аймгийн 18 суманд таван баг бүсчлэн тойрч, сургалт, уулзалтууд зохион байгуулах юм.
МАН-ын 30 дахь Их хурлаараа , социал демократ үзэл баримтлалтай нам болохоо зарлаж, Шинэ зуун-дэвшилтэд бодлого намын хөтөлбөрийг шинэчлэн баталсан билээ. МАН-ын 30 дахь Их хурлын тогтоол шийдвэрийг хэрэгжүүлэх, социал демократ үзэл баримтлал, Шинэ сэргэлтийн бодлогыг таниулах, хүний эрхийн орчныг сайжруулах, авлигын эсрэг дэвшилтэт бодлогыг түгээн дэлгэрүүлэх зорилгоор намын анхан шатны байгууллагуудын үйл ажиллагааг эрчимжүүлэх, намын гишүүд, дэмжигчдийг чадавхжуулах, хүний эрхийн манлайлагчдыг бэлтгэх зорилготойгоор Шинэ зуун-дэвшилтэт бодлого сургалтыг энэ сарын 7-12-ны өдрүүдэд зохион байгуулж байгаа юм. Сургалтыг 15 аймгийн 236 суманд хүрч зохион байгуулахаар МАН-ын Нарийн бичгийн дарга, Газрын дарга болон Бага хурлын гишүүдээс бүрдсэн 79 баг орон нутагт ажиллаж байна.
Н.Нягт
°C