МАН-ын 30 дахь Их хурлаараа баталсан Шинэ зуун-дэвшилтэд бодлого таван чиглэл, 25 зүйл бүхий намын хөтөлбөрийг шинэчлэн баталсан. 30 дахь Их хурлын тогтоол, шийдвэрийн хэрэгжилтийг хангах, дэвшүүлсэн хөтөлбөр, зорилтуудыг хэрэгжүүлэх ажлууд үе шаттайгаар амжилттай хэрэгжиж байгаа юм.
Социал демократ үзэл баримтлал, Шинэ сэргэлтийн бодлогыг таниулах, хүний эрхийн орчныг сайжруулах, авлигын эсрэг дэвшилтэт бодлогыг түгээн дэлгэрүүлэх зорилгоор намын анхан шатны байгууллагуудын үйл ажиллагааг эрчимжүүлэх, намын гишүүд, дэмжигчдийг чадавхжуулах, хүний эрхийн манлайлагчдыг бэлтгэх зорилготойгоор Шинэ зуун-дэвшилтэт бодлого сургалтыг зохион байгуулж байна. Сургалтыг хүрээнд 15 аймгийн 236 суманд хүрч ажиллахаар нийтдээ 79 баг орон нутагт ажиллаж байгаа аж.
МАН-ын Улс төрийн бодлогын газрын дарга Ж.Ган-Эрдэнээр ахлуулсан баг өнөөдөр Сэлэнгэ аймагт ажиллаж, сургалтыг зохион байгуулжээ. Сургалтыг Сэлэнгэ аймгийн МАН-ын хорооны дэд дарга А.Дашбат нээж, үргэлжлүүлэн МАН-ын Улс төрийн бодлогын газрын дарга Ж.Ган-Эрдэнэ Намын бодлого, үйл ажиллагаа, Социал демократ үзэл баримтлал, Шинэ сэргэлтийн бодлого, Авлигын эсрэг дэвшилтэт бодлого, Цахим нам – 2.0 зэрэг намаас хийж хэрэгжүүлж буй томоохон ажлуудын талаар дэлэгрэнгүй мэдээлэл өгсөн байна.
Сэлэнгэ аймгийн 17 суманд таван баг бүсчлэн тойрч, сургалт, уулзалт хийж, гишүүд, дэмжигчдийн саналыг сонсох аж.
Н.Нягт
°C