МАН-ын Нарийн бичгийн дарга Б.Тулгаар ахлуулсан баг өнөөдөр Ховд аймагт ажиллав. Шинэ зуун-дэвшилтэт бодлого сургалтын нээлтэд Ховд аймгаас сонгогдсон МАН-ын Бага хурлын гишүүд, аймгийн МАН-ын хорооны гишүүд, дэмжигчид оролцлоо. Ховд аймгийн сургалтыг МАН-ын Нарийн бичгийн дарга Б.Тулга нээж, намын бодлого, үйл ажиллагаа, Социал демократ үзэл баримтлал, Шинэ сэргэлтийн бодлого, Авлигын эсрэг дэвшилтэт бодлого, Цахим нам – 2.0 зэрэг намаас хийж хэрэгжүүлж буй томоохон ажлуудын талаар мэдээлэл өгсөн байна.
Ховд аймгийн 17 суманд таван баг бүсчлэн тойрч, сургалт, уулзалтуудаа хийх юм.
МАН-ын 30 дахь Их хурлын тогтоол шийдвэрийг хэрэгжүүлэх, социал демократ үзэл баримтлал, Шинэ сэргэлтийн бодлогыг таниулах, хүний эрхийн орчныг сайжруулах, авлигын эсрэг дэвшилтэт бодлогыг таниулах зорилгоор энэ сарын 7-12-ны өдрүүдэд МАН-ын Нарийн бичгийн дарга, Газрын дарга болон Бага хурлын гишүүд орон нутагт ажиллаж, Шинэ зуун-дэвшилтэт бодлого сургалтыг зохион байгуулж байна.
Н.Нягт
°C