М.Лхагвагэрэл, Т.Тулга нар халз барилдаанд өрсөлдөнө

Б.Зул

ОХУ-ын чөлөөт бөхийн Иван Поддубный (PWL-3) мэргэжлийн гурав дахь удаагийн лиг энэ сарын 20-нд Кыргызстаны Бишкект зохион байгуулахаар болжээ. Энэ удаагийн лигт бөхийн гурван төрөлд 12 халз барилдаан болох бөгөөд манай улсаас шинэхэн гавьяат тамирчин М.Лхагвагэрэл, олон улсын хэмжээний мастер Т.Тулга нар урилгаар оролцох аж. 65 кг-ын жинд Т.Тулга энэ жилийн Оросын аварга дагестаны Ибрагим Ибрагимовтой, 125 кг-д М.Лхагвагэрэл “Токио-2020” олимпийн хүрэл, ДАШТ-ий алт, хүрэл медальт Ираны Амир Заретэй хүч үзнэ. Манай бөхчүүд тавдугаар сард Москвад болсон анхны лигт мөнгөн медаль хүртсэн билээ.

Эрэгтэй чөлөөт бөх

57 кг: Завур Угуев (ОХУ) - Гуломжон Абдуллаев (Узбекистан)

61 кг: Арсен Арутюнян (Армен) - Реза Атри (Иран)

65 кг: Ибрагим Ибрагимов (ОХУ) - Төмөр-Очирын Тулга (Монгол)

79 кг: Заурбек Сидаков - Юнес Эмамичогай (Иран)

86 кг: Артур Найфонов (ОХУ) - Азамат Даулетбеков (Казахстан)

97 кг: Сергей Козырев (ОХУ) - Можтаба Голейдж (Иран)

125 кг: Мөнхтөрийн Лхагвагэрэл (Монгол) - Амир Заре (Иран)