Лула да Силва энэ сарын 1-нд Бразилийн Ерөнхийлөгчийн тангараг өргөж, сонгуулийн амлалтаа биелүүлж, улс орныг хамарсан өлсгөлөн, ядуурлыг зогсоохоо мэдэгдсэн. Тэрбээр "Хорин жилийн өмнө би тангарагаа "өөрчлөлт" гэсэн үгээр эхлүүлж байсан. Бразил хүн бүр өдөрт гурван удаа хооллож чадвал миний амьдралын эрхэм зорилго биелнэ гэж тэр үед хэлсэн. Өнөөдөр энэ амлалтаа давтаж байна. Бидний өмнө нь даван туулж байсан ядуурал, өлсгөлөн нэмэгдэж эх орон минь сүйрлийн ирмэгт тулсан" гэжээ.
Түүний анхны зарлиг Жаир Болсонарогийн Засгийн газрын үед эхлүүлсэн төрийн өмчит найман компани тэр дундаа газрын тос, байгалийн хийн “Petrobras” болон “Correios”-ыг хувьчлах үйл явцыг цуцлах шийдвэр байлаа.
Нэмж дурдахад, Ерөнхийлөгч Лула да Силва Амазоны экологийн сүйрэлтэй тэмцэж, түлш, эрчим хүчний хангамжийн асуудлаар бусад орноос хараат байхаа болихын тулд үйлдвэрлэлийг сэргээхээ амласан юм.
Х.ЗАЯА
°C