УИХ дахь МАН-ын бүлэг өнөөдөр /2023.12.09/ хуралдаж, гурван асуудал хэлэлцлээ. МАН-ын бүлгийн дэд даргыг чөлөөлөх, томилох асуудлыг хэлэлцсэн байна. Бүлгийн дэд даргаар ажиллаж байсан Ж.Сүхбаатар, Х.Булгантуяа нарыг Засгийн газрын гишүүнээр томилосон учраас чөлөөлж, УИХ-ын гишүүн М.Оюунчимэг, Ж.Батжаргал нарыг бүлгийн дэд даргаар сонгожээ.
Хууль зүйн байнгын хорооны дарга Л.Мөнхбаатар УИХ-ын дэд даргаар томилогдсон. Иймд УИХ-ын гишүүн Б.Энхбаярыг байнгын хорооны даргад нэр дэвшүүлжээ. Оффтейк гэрээгээр байгуулсан Зүүнбаян, Гашуунсухайт, Богдхан төмөр замуудын ажлын явц, санхүүжилт, үр дүн, цаашид анхаарах асуудлын талаар хэлэлцэж, Зам тээврийн хөгжлийн сайд С.Бямбацогтод гурван чиглэл өгсөн байна.
Н.Нягт
°C