Монгол Улсын сайд, Боомтын сэргэлийн Үндэсний хорооны дарга Х.Булгантуяа УИХ-ын “Хуулийн мэдээллийн цаг”-аар мэдээлэл хийлээ. Тэрбээр:
-Би энэ ажлыг аваад удаагүй байна. Замын-Үүд боомт нэгдүгээр сарын 8-нээс ажиллаж эхэлсэн. БНХАУ-ын ковидын хязгаарлалт бүрэн цуцлагдаагүй. Бид орж, гарч буй хөдөлгөөнийг эхний удаа бага байлгахаар эхний шатанд 300 хүнийг хилээр гаргасан байна.
Одоогоор Монгол Улсад орж ирэхээр бүртгүүлсэн Хятад иргэдийн тоо бага байна. Эрээн рүү ороод буцаж орж ирэх хүмүүс нь монголчууд. Эрээнд ПСР шинжилгээ хийдэг ганц төв ажиллаж байна. Тиймээс Монгол иргэд БНХАУ руу гараад буцаж, Монголд орж ирэхэд хүндрэлтэй байх юм.
УОК-оос өгсөн мэдээллээр БНХАУ-д омикроны дараагийн хувилбар их байна. Хилээр орж ирэхэд асуумж бөглөж, халуунаа хэмжүүлж байна. Дараагийн боомтууд тун удахгүй шат дараалалтай нээгдэнэ. Хятадын тал хилээр зорчуулах шаардлагаа уян хатан болгоно хэмээн мэдээлэв.
°C