30 мянган хүний суудалтай цэнгэлдэх барина

Шинэ төв цэнгэлдэх хүрээлэн байгуулах хүрээнд “GMP” олон улсын архитектур, инжнерингийн компанийн мэргэжилтнүүд манай улсад иржээ. Тэд одоогийн хуучин төв цэнгэлдэх хүрээлэнтэй танилцаж, үнэлгээ хийж, мэргэжлийн дүгнэлт гаргахаар манай улсад ирээд байгаа юм байна. Төв цэнгэлдэх хүрээлэнг орчин үеийн стандартад нийцсэн, 30 мянган хүний суудалтай шинэ цэнгэлдэх хүрээлэн болгохоор төлөвлөсөн билээ. Энэ хүрээнд шинэ төв цэнгэлдэх хүрээлэнгийн зураг төслийг гаргахад мэргэжил, арга зүйн зөвлөгөө өгч, судалгаа шинжилгээ хийх “Populous Holdings” компанийн Олон улс хариуцсан захирал Ричард Бреслин тэргүүтэй төлөөлөгчид Улаанбаатар хотод иржээ. Тус компанийн төлөөлөгчид Төв цэнгэлдэх хүрээлэнгийн нөхцөл байдалтай танилцаж, урьдчилсан судалгаа шинжилгээ хийх юм.   “Populous Holdings” компанийн Олон улс хариуцсан захирал Ричард Бреслин “Улаанбаатар хотын шинэ төв цэнгэлдэх хүрээлэнг 12.8 га талбайд дөрвөн улирлын ашиглалтын зориулалттай буюу нээгдэж, хаагддаг дээвэртэй, доороо авто зогсоолтой, 30 мянга гаруй хүний суудалтай байхаар төлөвлөн, урьдчилсан судалгаа хийнэ.  Тэд Монгол орны цаг уур, газар зүйн онцлогоороо адил, эрс тэс уур амьсгалтай хотуудад цэнгэлдэх хүрээлэн байгуулж байжээ. Тухайлбал, Шинэ Зеланд Улсад 35 мянга гаруй хүний суудалтай цэнгэлдэх, ОХУ-ын Сочи хотын өвлийн олимп зохион байгуулсан 40 мянга гаруй хүний суудалтай цэнгэлдэх хүрээлэнг байгуулж байсан арвин туршлагатай юм байна.

Эх сурвалж: Монголын үнэн сонин №031/24610/