УИХ дахь МАН-ын бүлэг хуралдлаа. Хуралдаанаар хэлэлцсэн болон цаг үеийн асуудлаар талаар УИХ дахь МАН-ын бүлгийн дарга Д.Тогтохсүрэн мэдээллийг өглөө. Тэрбээр, МАН-ын бүлгийн хуралдаанаар өнөөдөр хоёр асуудал хэлэлцлээ. Нэгдүгээрт, Чингис бондын эргэн төлөлтийн талаар сангийн сайдын мэдээллийг сонссон. Хоёрдугаарт, Төрийн болон орон нутгийн өмчийн тухай хуулийн төслийн талаар хэлэлцэх байсан ч агентлагийн дарга нь байхгүй учир хойшлууллаа" хэмээв.
Мөн "Нийгмийн сүлжээнд Ч.Ундрам гишүүнтэй холбоотой асуудал цацагдсан. Энэ бол цэвэр хувь хүний асуудал. Иргэд, сонгогчдын зүгээс ёс зүйтэй холбоотой асуудлаар Ёс зүйн хороонд өргөдөл гомдол өгвөл түүнийг тус хороо хэлэлцэнэ.
Жагсаал цуглаантай холбоотойгоор МАН-ын бага хурал хойшлох эсэх талаар яриагүй. Харин жагсаалыг хаанаас, ямар зорилготойгоор хийж байгаа, юуг хөндөж байгаа талаар бүлгийн хуралдаанаар хэлэлцсэн. Инфляц өндөр, үнийн өсөлт их, нүүрсний хулгаатай холбоотой асуудлаар иргэд бухимдах нь аргагүй. Тиймээс ирэх Даваа гаригт нүүрсний хулгайн асуудлаар сонсгол хийнэ" хэмээн байр сууриа хэллээ.
Н.Нягт
°C